السلام عليكم يا أمهات
بغيت أسألكم عن فرشاة الاسنان ومتى تبدون تعودون عيالكم على استعمالها
بنتي عمرها سنه وثلاث شهور فيها كم سن وتآكل أشياء فيها سكريات
ما أدري اذا لازم أفرش أسنانها بعد الوجبات وقبل النوم والا بعدها صغيره
أفيدونا وجزاكم الله خير
نفس السؤال واسنان بني لونهم اصفر مادري شسوي
حاولت افرش اسنانها ما ترضى ابى تخليني
وعمرها سنة و3 اشهر
الغاليه من تبدا تطلع الاسنان ابدي نظفيها بقطعه شاش وفي دايسو يبيعون نفس قطعه الشاش على شكل صبع واحد لتنظيف الأسنان ..
ومن يصير بالياهل وايد اسنان يعني ع الاقل 4 فوق و 4 تحت ابدي استخدمي الفرشاه بس بنقطة معجون مخفف او حتى بدونه واستخدمي مثلاا الماي او بلليه بمحلول منظف للفم بنكهه خفيفه ومب حار ..
و من يبدا الياهل يفهم داومي على تنظيف اسنانه وخليه يتفل المعجون و حطيله الماي بكوب عسب يشرب ويتفل لين يتعود … و نبهي عليه ما يشربه وقوليله هذا دوا ينظف الاسنان و مب زين للبطن ..
عسب يفهم ليش تمنعينه من شربه .. ولو شرب كميه بسيطه ترى ما فيها خوف من كلام دكتور ما يضر اذا شي بسيط بس شربيه عقبها ماي عقب يتنظف بطنه ..
و الله الحافظ ..
المشاركة الأصلية كتبت بواسطة بثـينه 
ومن يصير بالياهل وايد اسنان يعني ع الاقل 4 فوق و 4 تحت ابدي استخدمي الفرشاه بس بنقطة معجون مخفف او حتى بدونه واستخدمي مثلاا الماي او بلليه بمحلول منظف للفم بنكهه خفيفه ومب حار ..
و من يبدا الياهل يفهم داومي على تنظيف اسنانه وخليه يتفل المعجون و حطيله الماي بكوب عسب يشرب ويتفل لين يتعود … و نبهي عليه ما يشربه وقوليله هذا دوا ينظف الاسنان و مب زين للبطن ..
عسب يفهم ليش تمنعينه من شربه .. ولو شرب كميه بسيطه ترى ما فيها خوف من كلام دكتور ما يضر اذا شي بسيط بس شربيه عقبها ماي عقب يتنظف بطنه ..
و الله الحافظ ..
الله يحفظج الغاليه ويحفظلج عيالج
مشكوره وما قصرتي على الافاده وانشاء الله في ميزان حسناتج
انا انصحج تروحي عند دكتور الاسنان لان الدكتور بيوصف لج فرشاة معينة للطفل والمعجون والله يعلم
مثل ما قالت الاخت بثينة لان انا قبل اسبوع كنت عند طبيبة الاسنا وقالتلي نفس الشي عندي بنتين وحدة 5 شهور وحدة سنة و11 شهر وبعد نصحتني اتحكم بكمية السكريات اللي نعطيها للاطفال وانظفلها بالفرشاة والمعجون انا جربتلها كرست كيدز بطعم الفواكه وصارت اتحب تنظف اسنانها بس لا تعدى كمية المعجون حجم حبة الحمص والحفاظ على نظافة الفرشاة الله يحفظ اطفالك