الصراحه ندمت اني ماعرفت ها الفاونديشن من زمان

هلا خواتي الغاليات

الصراحه بنات صارلي فتره وانا ادور على فاونديشن يكون حلو ويناسب بشرتي المهم ماخليت ماركه ماجربتها بس كلهم ماعيبوني وماناسبوني المهم امس وانا سايره باريس غاليري يت في بالي ماركه معينه فقلت ليش ماسير اشوف الفاونديشن مالهم ؟ سرت جان اقول حق اللي تبيع ممكن اشوف الفاونديشن قالتلي اكيد بس شو نوع بشرتج قلتلها دهنيه بس بليــــــــــــــــز لا تعطيني فاونديشن للبشره الدهنيه لاني دايما اذا اخذ للبشره الدهنيه ما يناسبني مادري ليش قالتلي انزين ويابت الفاونديشن وحطت منه نقط على ايدي ومسحته ماصدقت عيوني وااااااااااااااااااااااااااااو روعه وقالتلي اذا البشره فيها اي عيوب ها الفاونديشن يخفيها ويخلي لون البشره متجانس وحلو جان اقوللها الحمدالله ماعندي مشاكل في بشرتي قالتلي اقول مثلا وحتى لو ماعندج مشاكل ها الفاونديشن مثل ما قلتلج يخلي البشره حلوه ولونها متجانس جان اقوللها خلااااااااااااااص ابا منه مع البودره قالتلي اوكي
المهم خذته واخذت بعد بلاشر رووووووووووووووووووووووووووعه مشمشي بس ماركه ثانيه .. واليوم عاد جربت الفاونديشن ولبلاشر الصراحه جنااااااااااااااااااااااااااان ماشاءالله علي طلعت مثل القمر وكل شوي اسير اشوف نفسي في المنظره فعلا بشرتي صايره حلوه ومتجانسه قولوا ماشاءالله خخخخخخخخخخ ونقهرت والله اني ماجربت ها الماركه من قبل وقلت خلاص من اليوم ورايح بأذن الله ما بستعمل الا ها الفاونديشن وقلت عاد لازم اخبر خواتي الغاليات عن ها الفاونديشن ومثل ماهم مايقصرون معاي انا بعد مابقصر معاهم ^_^
ادري اني شوقتكم وصدعت راسكم بس خلاص الحين بقوللكم شو هاي الماركه
احم احم
أنزلوا خخخخخخخ

تبون تعرفون انزلوا بعد خخخخخخخخخ

امممممممممم خلاص وصلتوا

جيفنشي
ولبلاشر من ماركة شاااااااااانيل

والحين بحط لكم الصور علشان اتشوفونهم مستانسه لاني عرفت كيف احط صور في المنتدى هههههههههه عاد لبلاشر طلع لونه وردي مب مشمشي مع اني صورته كم مره علشان يوضح بس كله يطلع وردي المهم اتركم مع الصور ^_^