السلام عليكم ورحمة الله وبركاته
بدخل بمشكلتي ع طول انا مالجه من سنه تقريبا وللحين ماتحدد العرس بسبب ان بيتهم ينبنى من ثلاث سنين وللحين ماخلص 
ونحن بيكون لنا الطابق الثاني بروحنا
المشكله الحين ان نحن حددناالعرس لكن البيت مابيكون جاهز ف هو يباني اسكن ويا اهله لمدة كم شهر
وللعلم انهم ساكنين في شقه صغيره جدا من ثلاث غرف والغرف وايد قريبه من بعض وكل الاصوات تنسمع لدرجة اني اني اذ جلست في وحده من الغرف اقدر اسمع اصوات الي فالغرفه الثانيه ، وثاني شي ان اهله طيبين لكن انا ماريد احتك وياهم عشان ابعد عن المشاكل ، كلمته ان نآجر شقق فندقيه لين مايخلص البيت ، لان من حقي لاني عروس وابا اخذ راحتي فاللبس وغيره ، تم يتعذر انه اهله بيزعلون منه اذ سكنا بروحنا فلتله ان نحن مابنكسن طول عمرنا بعيد عنهم وترا هم الا كم شهر!! ساعدوني كيف اقنعه 
تمت الموافقة
الكلمة الطيبة صــــدقة
الا هم كمن شهر ليش تخسرين الريال
يمكن ماعنده
توكلي على الله واسكني
حاولي تسايسينه و ان شاء الله يرضى
من غير انكم عرسان ف أكيد شهر العسل كافي و عقب يوم بتردون البلاد باتو كل اسبوع او اسبوعين في فندق غيروا
اتوددي له بالكلمة الطيبة ..قوليله مايحتاي لو استوديو صغير او شقة صغيرونه رخيصة ولو موظفة ساعديه بنص المبلغ
اذا عملتي الي يريده صدقيني حيفرح كثير
جربي كم من يوم اذا ما ارتحتي احجزي فندق او شي
لكن حاولي تبيني له انك فرحانة لكن استخدمي السياسة بالموضوع والله يوفقك وفعلا يمكن يكون ما عنده مادية لان الايجارات فعلا نار هالفترة
والله ياختي اشوف لو انج ما اتكلفين ع الريال زياده احسن
راعي انه بيكون توه دافع مصاريف زواج وشهر عسل ف حاولي تاقلمين نفسج دام انها فتره بسيطه وبتعدي