الريجيم الصحي بقلم البريفسوره لمسة الشوق احم احم

بسم الله الرحمن الرحيم

خواتي العزيزات ماشاءالله عليكم جادين ومثابرين في سالفة الريجيم لان كله وحده فينا تبا تستوي رشيقه وحلاة البنت برشاقتها بدون كرش ووروج وفخوذ

ليش كل وحده فيكم تحاتي الاكل اللي بتاكله اصلا وايد معروف ان الانسان اللي يمشي يوميا نص ساعه مع تقليل الاكل من دهون وحلويات ومشروبات غازيه بيضعف اسرع عن اللي ياكل هاي الاشياء

الرريجيم يباله اول وتالي كنترول وهو التحكم بالنفس حتى لو شافت اصناف الاكل وعد الضعف اامام المشهيات من حلويات وموالح ومشروبات وغيرها

ثانيا تلهين نفسج عن الاكل بقراية القرآن الكريم بالسوالف بالادعيه بالتلفزيون بأي شي يعني من تبين تاكلين لهي نفسج وحاولي تنسين الاكل

شربوا سوايل واترسوا بطونكم بالماي ولا الشاي الاخضر

والله انا اشوف بعد الوحده تلهي نفسها تعدل كبتها ولا تعدل سده من سدات غرفتها ولا تسير ترقد احسن من الاكل والدح

تذكري كل بتخففين من الاكل كل مابيكون جسمج بالمستقبل احلى واحسن

حاولي تدرين ان لو ضعفتي خلال دقيقه وكلتي من الاكل المنحط جدامج هي بس فتره دقايق وبتردين تندمين انج سويتي هاي الحركه وانمدت ايدج علي اللقمه وكلتيها

ولاتقولون ريجيم الفواكه وريجيم العصاير ،والخبز الاسمر اصلا معروف كل شي زياده عن حده ينجلب ضده

انتوابس امتنعوا عن الاكل اللي فيه سكريات بس فحالة يايكم هبوط لاسمح الله اكلوا تمره وحده يعني استفيدوا من السكر الطبيعي وانسوا السكر الصناعي الموجود في الايس كريم والحلويات والشوكليت والكانديس

ولاتنسون الارداه اوصي عليها مره ثانيه اهم شي فالموضوع كله

الريجيم في بدايته صح صعب وجيه لكن علي مر الايام بتتعودون وبتتعود المعده علي نظام معين في الاكل

صح كلنا نقول اوه بنبتدي وبنسوي وجيه لكن ماعليه لازم نصر علي انفسنا ولا بنتك ندح في الاكل والوجبات السريعه وبنغذي احنا والدرام واحد

يلا مب مشكله خواتي شهر رمضان هو شهر العباده وترك السموم كل السموم اللي فينا سواء سموم لسانيه من حش وكلام مب زين

ونقضي عالسموم الجسديه ، ونسوي الشي اللي ينفعنا وهاي فرصه وياتكم ياللي تبون تسوون ريجيم رييجم طبيعي طول الوقت صيام ويته حزة الويبه لاتاكلون ولاتكثرون واشروبوا شوربه واكلوا سلطه ولله الحمد وجبه مفيده وصحيه وتنزل وبعد صلاة التراويح تمشوا ، او قبل الفطور

هذا موضوعي لكم اتمنى عالاقل تكونون استفدتوا منه شي

اختكم لمسة الشوق