السلام عليكم
مشكلتي بسيطة و سهلة ان شاء الله
احاول اطنش قدر الامكان
الله يحفظها ام زوجي مثل البلسم تقريبا
و لكن الله رزقها بزوج عصبي – حشري – نكدي – يمد ايده –
العقال دايما ف ايده و يضرب حرمته او اليهال
ما يخليها تطلع و يحبسها بالبيت
و ما يخليها تروح لبيت اهلها تزورهم
او تبات عندهم
تقريبا تروح مرة ف الشهر لانهم ف امارة ثانية
و مرات يضربها
وما يعطيها فلوس مع انه ملابيين الدنيا عنده
وانا الحين حامل و اشتغل
بالعكس ما عندي مشكلة يعني لو بطلع مثلا بعد صلاة المغرب
يا اقعد ف البيت او الصالون او مراجعات المستشفى او بيت امي او اشتري اغراض لي و للياهليعني اشياء وايييدة و احاول ما اطلع يعني مرتبة اموري و متفقة مع ريلي
من هو يقعد ف الصالة انا اطلع
لانه من يلس معاي يتضارب او يحاول يسحب مني كلام و سوالف
لانه ينتقدني طبعا يحاول يتحكم فيني شرات ما يتحكم ف زوجته
و يسوي لي مشاكل مالها اول ولا تالي
و يوقف لي يدام الباب لا تطلعين و يمنعني من الطلعة
و يتصل ف زوجي
خاصة لو رقدت بيت امي و ريلي ف الدوام .. يسوي لي مشكلة و سالفة
و خاصة طلعاتي للعيادة
زوجي ما يرجع الا يومين ف الاسبوع يعني كل شي انا اسويه
و كله يجرج ريلي علي و يسوي لي مشاكل و ينبش بحياتي
ف البداية سوي لي مشاكل كبيرة وصلت للطلاق و كنت توني عروس
بعدين ريلي فهم الوضع مع اني كنت انبهه بس شو نقول عمره الريال ما يرضى ع ابوه
حسيت انه فهم و بدى ريلي يطنش كلما دقى له حرمتك طالعة قال له ادري ابوي
و يتم يتحرطم و هو يقول ان شاء الله و يطنشه
يسألني دوم وين طالعة وين رادة مع منو متى بترجعين
( الجملة تكون ورى بعض ما يعطيني مجال)
وانا دايما من اطلع اقول لعمتي و اروح بعد ما شفت منه المشاكل
وما اقوله شي ولا احتك وياه مجرد سلام عليكم و عليكم السلام
الحين ريلي يقول لي خلاص لا تيلسين وياه
و اطلعي عقب المغرب من البيت
و انا من ارجع من دوامي اطلع
مسوية لي جدول اروح النادي او الجمعية او السبا او بيت اهلي
او احضر ندوات و ورش عمل
انا ودي اوقفه عند حده لان محد يقول له ستوب لا تضرب امنا
بنات والله رب العالمين ما يرضى ما اعرف شو اسوي بموت من الغصة عليها
هاي يزات اللي صبرت عليك و تحملتك طول السنين و يابت لك ها العيال و كبرتهم
و علما بان ابو زوجي مانعينه من السواقة نهائيا
و ام زوجي كل شي فوق راسها و هي تسوي كل شي
بصراحه كله الا الضرب احس صعب العيشة مع زوج يمد يده
كله الا الضرب ما يترك اي امل لاحترام متبادل بين الطرفين
شيئين بنظري صعب تحملهم من الزوج (الخيانه – والضرب )
ما ادري والله شو الحل بعد هالعمر كله !!
عمتك يحليلها مبين طيبة وصابرة الله يعوضها كل خير.,
لا حول ولاقوة إلا بالله.. وين عايشين ؟ نحن في زمن تعادلت حقوق الحرمة والريال.. وهذا تفكيره من العصر الحجري… كاسر حرمته ويبي يكسرج لأن ماتعود يشوف حرمه قوية
الحمدلله الذي عافانا مما بتله به غيرنا وفضلنا على كثير من خلقه
الحمدلله رب العالمين و اقتراح ريلج مناسب بس حااااااااولوا تسكنون رواحكم
و عمو خلينا نفكر بشي يحليلها
و طبعا السبب في هالتمادى سكوتها من البداية 
لا تتدخلين، السموحه يعني بس ريلج
واخوانه (اذا عنده) موجودين !
يعني اذا هم رياييل ويعرفون باللي يستوي
وما قالوا شي، وين لو انتي تدخلتي ؟
فكري من هالناحيه . .
ما عندي شي اقوله عنها غير الله يصبرها
من شب على شيء شاب عليه
والكل راضي ومو معترض ولا يدور حل
انتي اللي بتطلعين بالسالفة مو زينه
برايهم دومج وريلج على توافق
وعلى قولت المصاروة: يا داخل بين البصلة وقشرتها ما ينوبك الا ريحتها
الله يصبرها عمتك صدق متحملة اكثر من طاقتها كل شي الا الضربوالخيانه هذا مابينغفر له لاحول ولا قوةالا بالله حاولي حبيبتي انك تتطلعين انتي وزوجك بيت بروحكم حتى لو شقة غرفةوصاله وترحين عمرج من المشاكل دام الحمدالله زوجج متفهم ومش مثل ابوه