الرجيم البيولوجي الاول ف العالم مع منى .اهنا حطيتلكم الرجيم كامل

اسفه خواتي تأخرت عليكم..
اما بالنسبة للرجيم .. فهو فعلا يعتمد ع التوقيت ..ف اللي تسهر .. تعدل ارقادها اول ,, لأن اهم شي ف ها الرجيم احترام الوقت و احترام الطعام كما علمنا الرسول صلى الله عليه و سلم .. و ما ينطق عن الهوى ان هو الا وحي يوحى …
هذا رجيم مخترعه عالم ياباني ,, سوا اختبار ع القرود و ع سر رشاقتهم البدنيه فاكتشف السر ف الموز و طبقاه ع البني ادم..
و هذا الرجيم الاول من نوعه اللي فيه الغدا مفتوح و العشا مفتوح بس بمواعيد و احترم الطعام و الوقت ..
و حتى السويت بمواعيد ..
الرجيم وااااااااااااااااااااايد سهل …
نبدا :
الفطور الساعه 8 او 9 او من وقت اكثر حق اللي تداوم .. و تاكلين فيه من 1 الى 4 موزات مع شرب الماي الدافي طبعا او بدرجة حرارة الغرفه ..
و الغدا يكون ع الساعه 1 او 12 و نص .. الغدا مفتوووووووووووووووووووح .. انا اكل بيتزا او معكرونه ..لا تحرمين نفسج من شي .. لأن الجسم اصلا بيكون فاقد الشهيه بسبة الموز ..(الموز ع الريج يضعف بعكس اذا كان بين الوجبات يمتن )…
الساعه 3 الظهر اي سويت تبينه كليه .. لأن الجسم يكون ف ها الساعه ف اوج نشاطه و بيحرقه ..و غير ها الساعه مافيه اسويت ..
الساعه 7و نص العشا .. و العشا مفتووووووووووووووووح
على ان يكون اخر موعد للاكل الساعه 8 المسا و ما يدش بطنج اي شي عقب ها الساعه
شرب الكوفي و الشاي عادي …
شرب الماء اكثر من 8 اكواب و بدون بروده ضرووووووووري..
الاكل بين الوجبات ممنوع … و اي شي تبين تاكلينه ضميه ويا الوجبه ..
و اي سويت تبينه خليه للساعه 3 الظهر ..
الرقاد يكون الساعه 11 او 12 بالليل …
نظام جدا سهل يعتمد ع البيولوجيه ف الجسم .. و هذا اللي علمنا اياه رسولنا الكريم .. النظام ف كل شي و احترام الوقت و الاكل …
موفقات ..
و اللي تبدا تبدا الرجيم ويايه .. حياها … نحمس بعض و نشوف تجارب البنات و كم نقصوا … نكون نموذج لغيرنا عسب يستفيدون .. لأن ها الرجيم مش معروف ع نطاق واسع ف دولتنا و بين البلدان العربيه و نحن ان شا الله نبا نكون من النماذج الرائده
شرايكم …؟
تحياتي ..منى