الرجاء من جميع الخبيرات في شراء المكياج الدخول للضروره القصوي

هلا وغلا مرحبا خواتي اريد من الجميع المشاركه سواء من خبيرات الماركات وغير الماركات في المكياج علشان الكل يستفيد ونفيد خصوصا العرايس المقبلات في شراء المكياج لان البعض ماعندهم خبره في النوعيه والجوده والسعر ويوم الوحده تروح تشتري تنصدم في السعر بعدين في النوعيه فالرجاء من الكل المشاركه .
يعني
اي وحده مثلا شرت مكياج جريب سواء من بارس جالري او اريج او المحلات الكبري او لايف استايل ماك او اي محل ثاني او اي ماركه معروفه
تدخل وتحط.
شو شرت
اسم الماركه
من وين
السعر
نفعتها ولالا
الرجاء من الجميع المشاركه والله يوفجنا.

عافاني الله ولا وحده تعرف في المكياج وينكم ولا حد رد

عزيزتي … نصيحتي للعرايس المقبلات على الزواج.. والبنات..
اشتري الميك اب اللي يناسبج ويناسب ميزانيتج ..
مكياج المناسبات من ميك اب فور افر وماك لان الفونديش روعة والوان الشدو المخملي والمطفي والبيجمنت واللمعات ( الجليتر) ثابته وروعة .. وكل شي عندهم روعة .وفي متناول الجميع
اما المكياج النهاري و الاوروبي تاخذينه من الماركات العالمية ( الماركة اللي تناسب بشرتج) مثل كلينك او كلارنس او جرلان اوشانيل او………. .( لان الوان الشدو مطفية والفونديشن خفييف)
للي ميزانيتها وسط حاولي تاخذين من الماركات العالمية( اللي يناسبج من المكياج) كل شهر شي واترتبيلج مجموعة حلوه تناسبج ..
الماركات اللي تنباع في لايف استايل ومكياجي وبودي شوب.. على حسب ذوقج وراحتج للمنتج … انا عن نفسي مااااستخدم ولا احب الاي شدو لان الوانهم مب ثابته وماتصلح للمناسبات الا للمكياج الخفيف النهاري . لكن ممكن تاخذين عنهم الجحال والجلوز والمسكرة والي يناسبج……
اما خبيرات التجميل انصحهم بكل الماركات العالمية مثل شانيل جرلان وغيرهم …و بماركة بن ناي وكريولان ماك ميك اب فور افر سينما وانجلوت و كيتا وغيرها من الماركات المائية والسينمائية العالمية .

وفالنهاية الناس اذواق ……… وكل وحدة تاخذ اللي يريحها .

للاستخدام اليومي :ميزانيه كبيره:غيرلان …لانكوم…. ديور
ميزانيه اقتصاديه:ماكس فاكتور…لوريال ….بورجوا

للمناسبات :فور ايفر…كريولان…ماك

انا خذت بودره من كيرولاين رووووووعه تخلي بشرتج مخمليه وطبيعيه ..

ومسكرة مكس فاكتور ما استغنى عنها تطول الرموش وتكثقفها وماتسوي تكتلات ..

حبوبة خذي ماركات ولا تكثرين يعني من كل شي خذي واحد السوق قريب وترومين أتسيرين