نبدأ بتحية الإسلام
السلام عليكم ورحمة اللــه وبركاته وبعد
كحلم أي وحده معرسه تبا ياهل تربيه،،،،
وتتريا يوم ينادونها الحريم،،، يا أم محمد، يا ام سعيد، يا أم،،،إلخ,,
ويوم يســألوني ما حملتي،، اقول لهم لا بعدني,,,,
بعده موعد الدورة ما يا,,,,
ويوم يحين موعد الدورة،،، ويعدي بس يوم ،،،
بالباحر اشوفها شرفت,,,,
والله اني اليوم انقهرت من الخااااطر,,,
سلمكم الله البارحة المفروض اتشرف،،، بس هيه شرفت عقب
ما صليت صلاة الظهر اليوم,,,(جنها تترياني اصلي عسب اتشرف)
على الساعة 12 ونص وانا احس بعوار في بطني وريولي،،،،
اقول في خاطري اكيد يتني وعقب عرفت انها يتني،،، عقب ما شيكت؟!!
مشكلتي اني وايد افكر،،،اقول لو ما يتني بعد موعدها بيوم بسوي تحليل
في البيت،،،،واذا يتني الدورة ،،، بسير عيادة وآخذ لي حبوب اتساعد على الحمل!!!
والمشكلة الكبيرة، انهم يقولون لي بعدج انت صغيرة اتهني في زواجج وعقب فكري بالحمل…؟!؟!
ريلي فديته يســألني شو اخبار البيبي؟؟!!
وانا من الفشيله افتشل…؟؟؟!!!
وتكون له صدمة يوم يعرف اني فيني الدورة….؟؟!!!
ادعي كل صلاة (رب لا تذرني فرادا وانت خير الوارثين)
واقرأ سورة مريم عقب صلاة المغرب
الحمد لله ،، الحمد لله،،
كل مره اقول الشهر الياي ان شاء الله اطلع حامل,,,
وايي الشهر وما شيء؟؟؟!!!
بصراحة أكثر شيء يقهرني يوم اعرف فلانه اللي عرست بعدي حملت وانا بعدني…
والله الناس ترمس،، وتاكل الواحد,,,
وان شاء الله الشهر الياي اطلع حامل وافرح ريلي,,,,
(رب لا تذرني فرادا وانت خير الوارثين) آمين يا رب العالمين
والحمد لله على كل حال
الله يرزقج بالذريه الصالحه….
حبيبتي اول شي ..
كم صار لج معرسه ؟؟ اقل شي يكون سنه
سرتي عند دكتوره ؟؟ لان غالبيه المعرسات يستوي فيهن فطريات .. التهابات … الخ ..
اذا تطمنتي ان كل تماااام .. اتريي رحمه ربج .. ويمكن يكون خير لج الغاليه
اما اذا طلع فيج شي لاقدر الله .. استعيلي بالعلاج … ولاتهملين عمرج .. مب عسب اليهاال لااااا
اليهال بقدرة القادر .. عشانج انتي وعشان صحتج
واهم شي ايمانج .. وادعي الغاليه دعوه صادقه
الصبر و الايمان بالله عزيزتي هو سلاحنا الوحيد والحمدلله إمكن هالتأخير فيه الخير نحن ما ندري اللي كاتبه لنا رب العالمين وإذا على كلام الناس طنشي تراهم ما لهم شيء عندج أهم شيء ريلج بس كل هذا ما يمنع إنا ناخذ بالأسباب يعني سيري افحصي عند الدكتورة —->أول فحص يسوونه هو فحص البول عسب يشوفون إذا فيج التهاب أو بكتيريا لا سمح الله وبعدين فحوصات الهرمونات المختلفة عن طريق الدم وبعدين الأشعة وإن شاءالله ما تحتاجين هالفحوصات وتحملين هالشهر باذن الله آمييييييييييين بس مثل ما قلنا التفكير ممنوع وكلام الناس سويله ديليييت!
الله يرزقج بالذريه الصالحه
عادي حبيبتي الرزق بيد الله
ولا تيلسين اتفكرين اتوكلي على الله تراااا بايده كلشي
ويمكن يكون عندج مشكلة مأخره الحمل روحي عيادة خاصة وسوي فحص
جي انتي بروحج بترتاحين وبتعرفين ليش لين الحين ماحملتي
وربي يرزقج بالذرية الصالحه ويرزقنا يااااااااااارب
الله يرزقج بالذريه الصالحه….
الللله يرززقــج اختيـــــــــــــه الغاليــــــــــــه
وصــدقج واللللللله .. كلام الناااس مايرحــــم
بس شووو نسوي
(( ربي لا تذرني فرداً وأنت خير الوارثيـن )