المعاناه .. التردد في المحافظه على الجنين .. كله انتهى يوم الخميس…
السالفه من البداية… عصر يوم الاربعاء بدء دم ينزل لونه احمر فاتح وتم يقطع لين الساعه 11 في الليل صار لي الم مثل الم الدورة .. وقلت بصبر لين الصبح .. ولما سرت الحمام"انتو بالكرامه"ابغى اشيك اذا الدم وقف او لا ولا اشوف الدم يصب ..يلست شوي لين وقف الدم … بعدين تسبحت وسرت العيادة لقيت الدكتورة وشيكت قالت الجنين ما اشوفه مب واضح احسن لج تسيري الوصل لانه عنق الرحم لين .. طلعت من عندها وقلت لريلي وصلني بيت امي…. يلست عندهم وتعشيت وسرت يلست عند اخوي وحرمته ..يابلي عصير اناناس ..فيلست اضحك انا وحرمة اخوي اقولها الحين بشربه وبنزله بسرعه وبرتاح ..ويلست اقراءالجريده وما مرت خمس دقايق من شاربه العصير والا احس بشي نزل مني .. نشيت وسرت عند امي اخبرها وقت لها احس مثل الم الدورة بدء بيصيرلي … فقالت لي سيري تجهزي لين اصلي العشاء وبنوديج المستشفى …. وطبعا بيت امي في حتى ولين وصلنا مستشفى الوصل
والام الا يزيد طلعنا الساعه 10:12…
وصلنا الطواري والم خلاص وصل حده على الساعه 11:25 يات الدكتورة وسوت لي سونار وشافت انه الجنين ما يتحرك .. واهي اتسوي السونار من تحت حسيت بطني من الوجع خلص شي بيصير له ولما يات تشوف الرحم لقته مفتوح عطتنيي ابرة تخفف الالم…وودوني الجناح لما وصلت الغرفه سرت ابدل من النزيف الي زاد وكانت السستر وياي وشافت قطع كبار وسود نزلن ودتني لين السرير وسارتتزقر الدكتورة… لين الساعه 12 والالم بدء يخف سارت امي البيت وانا رقدة .. والساعه4 صحتني السستر تقولي يالى ماما سوي عملية تنظيف … والساعه 5 شلوني فوق للعمليات وسوولي تنظيف..والحمد لله
رخصوني العصر .. ورديت البيت … وانتهت المعاناه
الله يعوضج خير ان شاءالله
الله يرزقج الذريه الصالحه
ربي يعوضج خير
الله يعوضج نفسي انا بعد سويت عملية تنظيف وكنت في الرابع وحملت حمل خارجي والحمدلله على كل حال اسال الله ان يرزقني واياكم الذريه الصالحه
رددي ( اللهم أجرني في مصيبتي وإخلف لي خيرا منها )
الله يعوضج خير ان شاء الله ويرزقج الذرية الصالحة