امس الصبح لما صحيت سبحان الله حسيت ان الدم بينزل حتى قلت لريلي شكلي بسقط اليوم لانه ياني احساس ان الدوره خلاص قريب بتييني
وفعلا نزل علي دم بس مب وايد ولليوم مستمر
انا قبلها بيوم بعد سرت لطبيبه ثانيه عشان اقطع الشك باليقين وقالت لي الكيس بينزل من روحه لان شكله غير طبيعي ومتعرج وقالت انه مبين فيه نقطه وشي كأنه بداية تكون جنين وقالت لي اوقف الدافستون وقالت بعد 3 ايام بالضبط بينزل وفعلاا نزل الدم
شو اسوي عشان ينظف الرحم هل في مشروبات لازم اشربها او لازم اسوي تنظيف
قولولي كيف ابدا اهتم بنفسي صحيا عشان رحمي يرجع نظيف
وهل في تحاليل لازم اسويها عشان اتجنب الكيس الفاضي مستقبلا
انا مؤمنه بقضاء الله وعندي يقين ان الله يحبني وسقوط هالحمل فيه رحمه لي وبأذن الله بيرزقني بطفل سليم ومعافى
وانا عندي لكم نصيحه وهي الكتمان انا من فرحتي كنت اخبر البنات في الداوم وكنت طايره من الفرحه بس سبحان الله العين حق ويمكن اتيي العين من اقرب الناس وبدون قصد
الله يرزقج بالحمل السليم المعافى
الحمدلله اكيد خيره مثل ما قلتلج من قبل
اشربي جرفه و ينسون هالاشياء زينه اتنزل البقايا واتنظف
وما أعتقد تحتاجين تنظيف لأن نزل بروحه ومافي جنين
ومره ثانية لا تخبرين حد غير أمج وخواتج لين تدخلين الرابع ترى وايد ناس محرومه وناس عندهم ظروف وخاطرهم بالعيال وحتى لو مب عن قصد تستوي العين
أهم شي خلج متفائلة ولا تحطمين نفسج لانج في بداية حياتج الزوجية..استانسي ويا ريلج ويوم الله بيكتبلج بتحملين
حبيبتي إشربي قرفة والحبة الحمراء وحلبة مصرية
أنا صار لي نفس ألشي واستمريت على هالمشروبات ؤما سويت تنظيف وعقب ما وقف الدم بشهر رحت فحصت وقالت لي الرحم نظيف
مرة ثانية لا تخبرين حد عن الحمل نحن أمي ما تبانا. نخبر حد لين الخامس
مثل ما قالوا خواتي أشربي قرفه وحبه الحمراء وحبله بس لاتنسين تروحين تاخذين مضادات
الله يعوضج خير ياارب وتحملين الشهر الياي
العين حق وعليج بحصن المسلم والله يبعد عنج كل شر
الله لايحرمني منكم يا خواتي
حبيبتي ربي يعوضج عاجل غير اجل بطفل سليم معافئ
واختي راقيه بطبعها ماقصرت