.::. الحمدالله ربـــي أكـــرمــني .::. ولادتــي بأحلى البــشر .::.

شحــالكـــن عســـاكــن بخيـــــــــــــــــــر

ف البداايــة السموحه على الغيــبه الطويــله

بس تعرفوون ،، ياااهل وخااصه اول بيبي حاله خاصه تكوون

الوحده مول مااتفضـــــــــــى صراااحه ( ف كروشات المستقبل استغلن الرقاااد والحواطه الحين لنه عقب ماشئ خخخخخخخخ ) ..

المهم مابطول عليكن وبقوولكن قصـــة ولادتي مثل مااوعدتكـــن ،،

الله يطولي بعماااركن ،، ماكنت حاسبه حساب اني بربي

خاصه انه موعد ولادتي كان من تاريخ 17-7 لين تاريخ 20-7

ف توقعت ف هالتواريخ اربي وتوقعت أأخر بعد لأنه خواتي بعد كلهن يأخرن خخخخخ

المهم ،، كنت مداااومـــه يوم عاادي مثل باقي الأيــام ( وكانت عدنا دوووره ف الدوام من 3 اياام ) وكان آخر يوم اليوم اللي ربيت فيه ،،

المهم ف يوم الاربعاء تاريخ 9-7- ،، سرت الدوام ودشيت الدوره مثل كل يوم ،،

وعلى الساعه 9 تقريبا بديت احس بويع خفيف ف بطني من تحت ،،

طنشت ( ذكيه قلت يمكن غازااات او ويع عااادي لأنه وايد خوات قريت انه يقولن الويع عادي من ادش الوحده التاسع )

المهم ،، تم الويع بين فتره وفتره اييني ( كل ربع ساعه تقريبا )

وعقب زغت قلت هالويع هب طبيعي ،، نفس الويع يتكرر ( جنه ويع الدووره والالم متركز تحت !! ) قمت احسب الويع ــ كل ربع ساعه ،، ومره يطول ومره يقصــر

قلت شو السالفه احيده ويع الربى يقل كل مره هب جيه !!

المهم ع الساعه 1 ،، استأذنت وقلت لهم اسمحوولي تعبانه وبسير البيت ،،

ودقيت مووتريه ســـلف وسيده ع البيت ،،

اول ماوصلت البيت يلست اطالع التوزيعات اللي كنت مجهزتنها قبله بيوم بس خخخخ

ويلست اجيك على ثياب النونو وقلت يالله خلني اطلع الثياب واحطهن ف الشنط ،،

( احتياطاااً )

قلت خلني اصلي الظهر ،، ودشيت الحمام عزكن الله وشفت افرازات بنيه !!

هنيه ززززززززززززغت ،، قلت لاااا ها هب طبيعي

واتصلت على طول حق اختيه اقولها ( اختيه نيرس وتشتغل ف المستشفى رئيسة قسم )

المهم ،،، من ها كلـــــه ،، قالت لي تعالي المستشفى ها ولاده ،، دام نزلت لج افرازات والويع يسير ويرد ،، تعالي جيكي بس وردي ،،

عاد انا من الزيغه منوو يقول اسير الدختر ،، قلت لها هب يايه الحين ،،

لو زاد فيني الويع بييكم ،، يلست اختيه تحايلني ماشئ فايده ،،

واتصلت لريلي على طووول كان توه طالع من الدواام ( من دبي )

المهم يلست ارتب الاغراااض والويع كل شوي يزيد ،، ويزيد

نفس الالم على زياااده

وقام اييني كل 10 دقااايق ،،

قلت خلني آخذ حمااام سااخن اخير لي خخخ ( سمعت البنات يمدحنه قبل الولاده )

المهم دشيت اسبح ع الســـريع ،،

ومن طلعت بدى يخف الويع كل ربع ساعه !!

وانا اتناااافض ،، هب عارفه شو اسوي،،

المهم ريلي متعود يسولف ويايه ع الخط فديته ،، وهالمره مارمت اسولف وياه

من الزيغه قمت اصيح ،، حس انه في شئ وتم يحايلني عشان نسير الدختر

قلت له بنجيك وبنرد بس قال اوكي ،،

المهم ،، اول ماوصل كانت الساعه 4 تقريبــاً ،،

ويوم شافني ف الحاله اللي فيهااا ( اول ماييني الويع اموووت ماروم امشي )

شخط الموووووووتر سيده ع المستشفى وطول الوقت ماسك ايدي ويقرااا عليه (صدق صدق حسيت به جريب مني في هاللحظه بالذااات ،، ربي يحفظه لي )

المهم ،،

وصلنا المستشفى وقالوا لنا فوووق الولاده ،، بيجيكوون هناك ،،

اول مادشيت وانا اصيح ،، قلت لريلي لاتخبر عن بس بجيك وبييك ،وخليت تيلفوني عنده

المهم ،، من دشيت قالت لي النيرس يالله بدلي ،، وانا اصيح اقوولها ( لا لا لا يمكن مافي ولاده انا بس بيسوي جك اونه خخخخخخخخخخخخخخ )

المهم قالت لي افصخي عبااتج ونعالج عزكن الله وتعالي ورايه

دخلتني ورااهااا ف غرفه ( الغرفه يابوووكن برووحها تخووووووووووووف )

المهم من دشيت والاصواات ما شاء الله الحرمات حدث ولا حرج

زغت زياده

تميت شوي حطت لي مثل جهااز تخطيط وعقب زقرت لي الدكتووووره

جيكت وسمعتها تقووولها 4 سانتي ،،

وانا بمووت من الزيغه ،،

شفتها تزهب ابره الحقان ( ماكنت اعرف شو سالفتها الا عقب خخخخخخخخخخخ )

ف زغت قلت للنيرس بخبر ريلي برع ،، قالت لا لالا مافي ولاده

هنيه عاد انا مت ( وخاصه اني موصيه ريلي مايخبر حد شو بسوي روحي خخخخخ)

المهم تميت شوي اصيح وادعي واصيح وادعي لين دشت عليه عمتيه ( ام ريلي )

ربي يحفظها والله ماقصرت ،، اول ماشفتها جاان افج لغبي واصيح خخخخخخخخخخخ

قلت لها خبري ماماااه والباااقين انا قلت لريلي مايخبر حد ومادري شوووو

المهم

ماشئ الا شوي والكل وصل المستشفى ،، وطلعوا عمتي عشان ابرة الحقان

وهي سارت برع عند قوم امايه ،،

وكان ف نفس المكان وحده تزاااعج زعيييييييييييج هب طبيعي

انا من زعييجها صراحه توووترت اكثر وقمت اصيح يتني حاله صراااحه

يلست من الويع تحت وساده اذني واصيح عشاااان ماسمعها وادعي وادعي وبعد كنت اسمع صوووتها ف اذني

لين وصلت مرحله كنت خلاااااص بطلع ادور الباب اللي يظهرني ونفاااد ينفدهم

الا اشوووف اختيه اللي اكبر عني ( النيرس اللي خبرتكن عنها ) ف ويهي

واحضنها واصييييييييييح واقوولها طلعيني ،، وهي تهدي فيني

المهم مابتعمق ف السوااالف هاااي وااايد عشان الكرووشات مايخااافن

بس قلت لكن هالجزئيه عشان انصحكن نصيحه لوووجه الله

والله مابيفيدكن ف الولاده غير الدعاااء لرب العااالمين

وانه يكون ويااااج شخص يعرف عنده خبره ويتم ويااج طول الوقت

لولا وجووووود اختيه من بعد رب العالمين جان انا بمووت صراحه

خاصه انه اول تجررررربه وبالفعل تحتاااايين حد يكون وياج يقرا عليج وغيره

المهــــــــــــــم

بعد عناء وصراااع مع الالم ( حلوه هاي صراع خخخخخ حشاااا حلبة مصااارعه )

ولدت والحمدالله ع الساااعه 7

( طبعاااا تفاااصيل وااايد واشيااااء وااااااااااايد صااارت مابقووولها عشان ماطول اكثــــر عن جيه وعشااااان بالمره الكرووووشااات يعيشن الاجوااء برووحهن مايكوونن سااامعات فيه خخخخ )

وسبحاااااااان الله خوااااااااااتي

صدق يووووم قااالوا لنا انه ويع ساااعه وعقب يرووح

ويع الولاااااااااده بس حزتهااااااااا ،، اول ماااطلعت البنووووته والحمدالله حسيت روحي ردت لي وصخيييييييييت صخه وحده ماااااتسمعوون فيني الا نصخ

سبحااااااااااااااان ربي العظييييييييييم واللللللللله

هوو ساعتها وعقب خلااااااااااص ،، حتى الخياااطه ماتحسين فيهااااا والله

كنت احس بالخيط خفيف بعد ،، لاا الم ولااااااشياااته

ماعليكن من اللي يقووولن تعور الخياطه وغيره

والله ولا تحسن بهاا لأنه المنطقه تكوون خلاص متشنجه هاذيج الساعه

المهـــــــــــــــــــــــــم

احلى لحظه من هاا كله

انه بعد ماولدت على طووول شلوا الياااهل اذكر حتى بمثل شئ جي اخضر وحطووهااا ف حضني

واول مااحطوووها اختيه حاضنتني وتصييح وانا اشوووف البنووته واصيح من الخااطر

وماسمعت الا تعليق النيرس ( بس خلاااص هبيبتي انتي في وجع يصيح في يييجي بجاااه يصيح !! حتى وانته فرحان يصيح !! )

كنت شوي وبكفخهااا بس تفكيري كان مشلول ف اللي على صدري

وحمدت ربي على هالنعمــــــــــــــــــــــــــــــــــــه

( وطبعااا في نقطع مانسيتها بس حبيت اذكرها ف الأخيــر )

اني دعيت لكل خواااتي انه ربي يسهل عليهن ولااادتهن ويرزق كل محروووووومه

وبالفعل شعوووور حلووووووووووووو ،، رغم التعب وغيييييييييييره

ف شدن حيلكـــن كروووووووووووووشاااااااااااات

ماشئ ايي بالسااااهل ،، بس التسهيل من رب العالمين

عليكن بالدعااااااااااااء حتى وقت الويع والالم

اذكرن الله ويووم بتحسين بالويع لاتصاارخين او غيره عشان ماتتعبين

ادعي وادعي وبتشوووفين انه رب العالمين بيسهل عليج وااااااااااااااااااااايد اختيه

وف النهااايه ( حشااا عقب ماكتبت معلقه هب موضووووووووووع )

طمعااانه ف دعووووووه حلووه منكن

( انه ربي يحفظ لي بنووووتي ويخليهاااا لي ولأبووها وتتربى ف عزنا ان شاء الله ونشوووفها عرووووووووووووووس )

وعسى ربي انه يسهل على كل حامل ويرزق كل محرووووووووووووومه

اختــــــــــــــــــكـــن ،، New MaMa