:22 (22): خواتي اريد حد يعلمني اصول الضيافة الاماراتية العربية الاصيلة الي تسكت وماتخلي حد يقول الا بصراحة مسكتة
من ناحية المواعين والترتيبات الثانية عندي من ارقى الانواع
بس ابا حد يعلمني خطوات الضيافة مثلا اول مايوصلون الضيوف شو اقدم لهم وعقب كم من يلستهم
ادخنهم اول مايوصلون والاعقب الوجبة 00 شو الأكلات الي لازم ماتخلا منها الفوالة اذا مثلا مب على وجبة غدا او عشا 00 بخصوص الفواكة عادي ايلس اقطع جدامهم والا اخليهم على راحتهم طبعا انا ماتكلم عن يلساتي انا وربعي 00
لا اذا ضيوف غرب وفيهم حريم كبار
ساعدوني
المشاركة الأصلية كتبت بواسطة العيون الملغومة 
من ناحية المواعين والترتيبات الثانية عندي من ارقى الانواع
بس ابا حد يعلمني خطوات الضيافة مثلا اول مايوصلون الضيوف شو اقدم لهم وعقب كم من يلستهم
ادخنهم اول مايوصلون والاعقب الوجبة 00 شو الأكلات الي لازم ماتخلا منها الفوالة اذا مثلا مب على وجبة غدا او عشا 00 بخصوص الفواكة عادي ايلس اقطع جدامهم والا اخليهم على راحتهم طبعا انا ماتكلم عن يلساتي انا وربعي 00 لا اذا ضيوف غرب وفيهم حريم كبار ساعدوني
حياج الله اختي الكريمة … اذا عندج خدامة عوديها اذا عندج ضيوف عقب عشر دقايق من دخلتهم اتجيب عصير في الصيف وشاي او حليب حار في الشتاء واذا ماعندج خدامة من يدخلون ضيوفج رحبي بهم وبعد عشر دقايق تقريبا شربيهن عصير واتكونين مجهزة الشاي والقهوة وعقب العصير شربيهن قهوة وعادة اذا حريم كبار في السن بعد فترة شربيهن شاي وعقب حطي الفواله ( فواكه ، تمر ، أي نوع حلو عندج ، مكسرات ) والحريم الكبار لازم اتحطين جدامهم واتقطعي لهم الفواكه واذا تبين ترتاحين سوي سلطة فواكه وحطيها في ملة عودة ووزيعها على ضيوفج في ملال صغار …….. والسموحة ^_^
الغاليه مثل ما قالت الاخت امطار الشرقيه اول شي العصير البارد فى الصيف والشاى فى الشتاء
وخلى الفواله زاهبه على الطاوله علشان ما تقومين وتقعدين كل شوىويقول انج حرمه بيت سنعه
وبعدين قهويهم وانتيهى لفناجينهم اذا خلصوا ولا لا وصبيلهم من غير السوال اذا تيون ولا لا
واذا جاين على الغداء حطىالغداوبعدين حلى بسيط قريب العصر واذا العشى بعد العشى حلى
وانتبهى لصحونهم اذا فضت اغرفيلهم وخلى عيالج والصغار ياكلون فى مكان ثانى احسن واذرب علشان ما ياذون الضيوف ويوسغون الدنيا
انا بقولج عن طبعي وخاصة ويا الحريم الكبار
يوم ادري انهن بيين عندي انظف المكان واسنعه وتكون الفواله والمة ومغطايه في المطبخ
واذا القحط الخدامة طمه استاذن منهن عقب 10 – 15 دقيقة وافرش السماط واحط سلة الفواكه والتمر او الرطب واكون مجهزة ملتين للماي وحده للغسول ووحده لفناجين القهوة
وكم صحن لتقطيع الفواكه وواحد اجمع فيه القشور
واقطعلهن في الصحون من كل نوع حبة او ثنتين على حسب نوع الفاكهه
وبالنسبة للموز اخليه بقشارة يعني اشيل من طرف واخلي الطرف اللي بيلامس ايدي مكانه فيه حرام جزازات خخخخخخخخخخخخخخخخ
وعقب اقرب منهن الرطب والا السح واغنم عليهن بالقهوة واللي ما تشرب قهوة اييبلها ماي
عقبها بشوي احط الحلو والشاي او العصير وهات يا سوالف واذا عازمتنهن على العشاء اخلي الحلو آخر شي
واهتمي وايد بالنظافه الحريم الكبار نقادات يعني غيري الصحة ولا تحاولي تغسلين جدامهن في ملة الغسول بياكلنج اكال خخخخخخخخخخخخخخخخخ
ويحبن اللي يعازم عليهن ويقرببهن بس لا تحولفي لاني ما احب هالحركة خخخخخخخخخخخخ
شلي السماط وحطي غيره للعشاء وزعي صحون السلطة على اطراف السماط وخلي الوجبة الرئيسة في الوسط واذا مسوية عيش ولحم حطي تمر ولبن للي يحب
وهاي طريقتي
اتمنى اكون نفعتج بشي الغاليه
المشاركة الأصلية كتبت بواسطة العيون الملغومة من ناحية المواعين والترتيبات الثانية عندي من ارقى الانواع
بس ابا حد يعلمني خطوات الضيافة مثلا اول مايوصلون الضيوف شو اقدم لهم وعقب كم من يلستهم
ادخنهم اول مايوصلون والاعقب الوجبة 00 شو الأكلات الي لازم ماتخلا منها الفوالة اذا مثلا مب على وجبة غدا او عشا 00 بخصوص الفواكة عادي ايلس اقطع جدامهم والا اخليهم على راحتهم طبعا انا ماتكلم عن يلساتي انا وربعي 00
لا اذا ضيوف غرب وفيهم حريم كبار
ساعدوني
هلا الغالية
طبعن اول مايوصولن ترحبين بهم عند الباب (مرحبا الساع ) قربو
وبعد ما ييلسون تقدمين لهم التمر او الرطب وبعد ما يكلون التمر
وتصبين لهم قهوه (في الدلال الرسلان) ربع الفنيال وتكونين منتبهه للي يشربون لين يشكرون
وبعد مايخلصون تصبين لهم شاي أو حليب زعتر
وبعد مايخلصون من الشاي تقدمين لهم الخضره وعادي تقصصين قدامهم
و تقدمين اي فواله موجوده ( مكرونا او فطاير او غيره ….)
تقدمين الدخون أول شي العود من الزين وبعده الدخون والعطر الزين
فديتكم والله
ماشاء الله عليكن انتن امهات السنع
برأيي خليج على طبيعتج , واتحركي بحريه
كأن البيت بيتج >> شدخل
المهم كل الي قالوه البنات سويه
وخبرينا بالنتائج
والله يوفقج