السلام عليكم
موضوعي عن طريقه عمل الجحال الغليظ واللي دايرمداير العين اللي ممكن اتسوينه في العزايم والجامعه والكليه بشكل يومي
اول شي الادوات وصدقوني يا بنات ما خليت ماركه ما استخدمتها بس الادوات اللي بكتبها هيه احسن شي استخدمته مع انه بعضها هب ماركات معروفه وكل اللي استخدمها من بعدي شكرني
1 جحال ماركة برستيج اتلاقونه في اريج او لايف ستايل وسعره رخيص30 درهم
2 ايشدو ميك اب فور ايفر الاسود وسعره 50 درهم
3 فرشاه من ماك اتكون الفرشاه بشكل مائل وهيه مخصصه لمد الحجال وتحديد الايشدوا البايعه ممكن اتساعدكم اذا وصفتولها بهالوصف وسعرها 30 درهم
4- ماسكره لوريال اللي فيها صوبين ابيض واسود وسعرها 80 درهم
ونصييييييحه مهمه قبل ما اتحطين الجحال == بفرشاه حره حطي ايشدو بيج تحت رموشج السفليه عسب يثبت الحجال
ا1 -تسخنين الحجال بالاستشوار
2 -تجحلين عينج واتحاولين انتي تمررين الحجال داخل عينج وتحاولين انج تخلينه بين رموشج السفلى وعادي اذا نزل وبالعكس احسن انه ينزل بس يكون بقرب الرموش السفلى هب تنزلينه لين خدج هههههه
3-تمررين الفرشاه المايله ع الايشدو وبعدين اتحددين الجحال بالفرشاه بتستغربين من النتيجه لانه الفرشاه اصلا بترسم خط مستقيم ومرتب لانها حق هالشي
4 الماسكره يا بنات المسكره وااااااااايد اتحلي المكياج وخاصه هالماسكره اتجنن صدق صدق اطول الرموش واتغلضها بس عذاب يوم اتشلينها بس الله يخلي جونسون الوردي ههههههه بس صدق روعه هالماسكره اول شي حطي طبقه من الابيض ونصيحه خليه ينشف شوي دقيقه وبعدين الطبقه السوداء وحطي اكثر من طبقه
نصيحه
اذا كانت عيونج مرتفعه يعني ممطوطه ع فوق حاولي تمدين الجحال من بعد طرف العين ع تحت شوي وتنشحينه بعدين ع فوق عسب ايكون دخاني لانه بالهطريقه يعطي العين انها ناعسه
واسمحولي ع الاطالة
اختكم مهره
مشكوره
مشكوره الغاليه
استفدت منج وايد^_^
وان شاء الله بجرب طريقتج
مشكورين ع التفاعل
ماتقصرين يالغلا
مشكوره أختي ولو كان فيه صور بيكون الشرح
أوضح,,
:1 (6): تسلمين يالغاليه