السلام عليكم ورحمة الله وبركاته ..شحالكن بنات ..بغيت اتخبركن حد سمعت بشي اسمه الثلج المضيء بصراحه يالسه اتصفح منتدى سعودي وشفت وحده مسويه حفله لريلها وحاطه في الكوب مال العصير ثلج شي منه لونه وردي وشي منه لونه ازرق صراحه شي عجيب تقول ليتات عاد ماعرف اذا ثلج صناعي اول مره اشوفه واسمع عنه بحياتي وفي وحده كانت تبيع هالثلج بس داخل السعوديه ماتوزع لبرى الدوله ياليت الي سمعت عنه ولا تعرف وين مكانه ولا وين يبيعونه ترد عليه ""بصراحه عيبتني الفكره وخاطريه اسويها يوم ميلاد ريلي "" ..والسموووحه منكن …اتريا ردودكن .
وعليكم السلام والرحمه
سألت عنه وقالولي هاذيل قطع بلاستيك وفيهن ليت من الداخل
اتوقع بتحصلينهن في محلات الاثاث صوب قسم المطابخ او الليتات
بس انا لو منج مابحطهن هههههههه بتشوطين ريلج مسكين هههه
واتمنى اني افدتج والسموحه عالقصور
ههههههههه.. عادي عاد دشت الفكره براسي ولازم اسويها خخخخخ تسلمين فديتج ع الرد عاد انا من العين ياليت اذا كنتي من العين تخبريني اي مكان بالضبط ^_^ والسمووحه
هههه الله يعينه بو عيالج
اممم انا من بوظبي بس ادل في العين
يمكن تحصلين في هوم سنتر الي في الجيمي مول
مشكوره فديتج ….
anytime siso ^_^
في وحده كانت اتبيعه في منتدى مااذكر اسمها ><
بس حلوو