السلام عليكم ،، يابنات منو جرب التريتمنت الفلبيني الي يخلي الشعر سترييت مثل شعر الفلبينيات ،، ايجابياته شفتها على وحده من اهلي نوعية الشعر عندها غليظه وفيها نفشه وكملت 8 شهور ومازال شعرها ناعم بس بدن الروتس يطلعن وبتسويهن قريب . هل حد جرب مده اطول ؟! وشاف سلبيات عليه …
وشكرا
ممكن أعرف وين سوته لان أنا شعري نفس الشيء و ما أحبة
روووووعه
ماله اي اضرار بالعكس يعتبر معالج للشعر وما يحتاج ابدا لسيشوار او اي شي
واشوفه احسن من الكيرياتين لانه نتائجه مضمونه
انا اختي سوت الريباندنق في مركز الحسناء للتجميل في ام القيوين ووايد تمدحه
لانها اتقول ان الريباندق اللي تسويه يغذي الشعر بس ماينعمه وايد نفس شعر الفلبينيات لانه مغذي
اختي يوم سوته اول مرة قالتلها اللي فالصالون تعالي عقب 6شهور عشان اسويلج مرة ثانيه
وعقب سوتلها قبل رمضان بفتره
ويوم اسأل اختي عن الريباندنق اتقول انها اتشوفه زين
فظييييييييييييييع بس الروتس لازم كل سنه
جربت الكيراتين وجربت الريبوندينج بصراحه ماشي مقاااااااارنه بين الاثنين الريبوندينج والله فظيع بس لازم تعالجين شعرج قبل لا تسوين يعني لازم يكون قوي والشي الثاني ماااا ترومين تصبغين شعرج
انا جربته في دبي صالون فلبينى تشجعت قلت عاااد اهنى الخبره ،،
قلت بسوي ربيندج وشعري عاااادي مو خشن كيرلى شوي … بس طمعت مابا اسوي سشوار …
والله العظيم وانا على صيام ان شعري ادمر دمااااااااااااااااااار ، وسقوووووووووط مابعده سقط .. اسحب الشعر من راسى جنه مقصوص بالمقص . واعقه ..
من بعد ما كان كثيف اللحين حتى مااسحيه … والجذور يوم تلمسينها جنج محلقه شعرج بالموس والشعر نبت بس طلعتلى قشره وكل شوي احك شعري في الدوام . اللى يشوفنى يحسب مقمله 
متندمه والله العظيم اشد الندم شعري كان معتدل صح مو ناعم بس يستشور ويستوي جنان ، بس الطمع هاي نتيجته ..
يمكن لان شعري كان مصبوغ قبل بس من فتره . حتى ريلى يطالع شعري ويقولى شعرج استوي شرات الافريقين (من الجذور طبعا اللى نبتت )
بس نعومه مااقدر اقولج مانعم صح نعم بس كل شوي اخسر شعري وحتى فكرت اتصل اشتكى عليهم في التنميه الاقتصاديه بس بشكارتى الفلبينيه تسوي بعد شعرها ، وقالتلى مدام عادي انا بعد شعري جى هذا دواء اذا كثرت منه يخترب شعرج بس كلنا نسوي .. بس انا وايد خسرت وايد والله 
واللحين دخلت ادور شى يطلع شعري ويقويه …
وهذي قصتى اتمنى استفدتى منها
بنات خالتي شعورهن ناعمه وجربن ريباندنغ في صالون ريكس فشارع المطار فبوظبي ..قالوا مافينا نسشور شعورنا ونبى دوم يكون طايح ماعدنا وقت ..بس صدق ناعم وحلو بس اللي شعرها خشن تجربه اما اللي ناعمه ماحس يحتاج تنعمه اكثر لانه القصه اتم طايحة وناعمه وااايد واللي بتسوي ماتسوي القصه ورا القصه احسن ..واعتقد يتمون فالصالون مال 5 ساعات يحطون لهم اشياء على شعرهم ..
بس يوم يسوون تسريحه ماتضبط من نعومه الشعر
واذا رفعوا الشعر على فوق بالقباضه يتم واقف من نعومته صدق يوم قالوا شعور فلبينيات من نعومته