السلام عليكم…
بنات اللي سوت تلقيح صناعي سواء حملت والا ماحملت ياليت تكتب لنا تجربتها عشان نستفيد…
_اسم العياده اللي سويتي فيها التلقيح وفي اي اماره؟
_عند اي دكتوره؟
_كم صارلج معرسه وماحملتي؟
_هل نجحت العمليه؟
اذا نجحت هل حملنتي بتوام؟
_مفكره اتعيدين التجربه والا حرمتي ؟
شنو الاعراض اللي حسيتي فيها بعد العمليه؟
_هل كنتي تتحركين عادي والا لازم راحه تااامه؟؟
واللي بتفيدنا عسى الله ينولها مرادها
للــــــــــــرفع ..
مرحبا أختي
أنا بخبرج عن تجربتي
أنا صارلي أربع سنوات وما حملت والحمد لله اني أنا وزوجي ما نشكي من شي فسويت تلقيح صناعي فمركز دبي للإخصاب وصراحة المركز قمة في الروعة .
اسم دكتورتي حنا
الحمد لله نجحت العملية من أول مرة وألحين أنا في الشهر الرابع .
لا ما حملت بتوأم بس كان خاطري بس الحمد لله قالولي فيني ولد.
انشا الله ماأعيد التجربة وأحمل طبيعي المرة الياية.
صراحة ما حسيت بأي أعراض بس نزول دم شوي والعملية أبد ما تحسين فيها 10 دقايق بالكثير.
صراحة عادي كانت حركتي يعني مارست حياتي طبيعي ولا حطيت في بالي علشان ما أتعب نفسيا.
ودعتواتج لي ان الله يثبت حملي ويسهل ولادتي والله يرزقج ويرزق كل محرومة بالذرية الصالحة..
بس لا تنسين قيام الليل والدعاء والتوكل على الله…
المشاركة الأصلية كتبت بواسطة أم غيث 
أنا بخبرج عن تجربتي
أنا صارلي أربع سنوات وما حملت والحمد لله اني أنا وزوجي ما نشكي من شي فسويت تلقيح صناعي فمركز دبي للإخصاب وصراحة المركز قمة في الروعة .
اسم دكتورتي حنا
الحمد لله نجحت العملية من أول مرة وألحين أنا في الشهر الرابع .
لا ما حملت بتوأم بس كان خاطري بس الحمد لله قالولي فيني ولد.
انشا الله ماأعيد التجربة وأحمل طبيعي المرة الياية.
صراحة ما حسيت بأي أعراض بس نزول دم شوي والعملية أبد ما تحسين فيها 10 دقايق بالكثير.
صراحة عادي كانت حركتي يعني مارست حياتي طبيعي ولا حطيت في بالي علشان ما أتعب نفسيا.
ودعتواتج لي ان الله يثبت حملي ويسهل ولادتي والله يرزقج ويرزق كل محرومة بالذرية الصالحة..
بس لا تنسين قيام الليل والدعاء والتوكل على الله…
ماشالله ولاقوة الا بالله….مبروك حبيبتي والله يثبت حملج يارب وتشوفين ضناج فحضنج….ومشكوره وااايد على المشاركه الحلوه …..