السلام عليكم حبيت تشاركوني رايكم انا متزوجه وعندي ثلاث اطفال بس ربت بيت مااشتغل وماكملت تعليمي بس لثالث اعدادي وكل الي اعرفهم من صديقات واهلي يدرسون ويشتغلون والحين انا حابه اكمل الدراسه واشتغل بس زوجي رافض للعلم لي 11سنه متزوجه 
وعمري 30
وعليكم السلام
واضح انج تبين تشتغلين بس للتقليد لأن اللي حواليج يشتغلن
بس كل وحدة و ظروفها،، اذا مب محتاجة و زوجج يشتغل فأحسن شي تستغلين وقت فراغج بشي يفيدج دنيا و آخرة مثل حفظ القرآن والمشاركة في الأعمال التطوعية الرسمية أو بالأشغال اليدوية وتتصدقين بها
صلي صلاة استخارة والله يهديج للي فيه خير و صلاح لج و لزوجج و عيالج
حبوبه شو تبين الشغل اذا مب محتايين يلسي فبيتج والله احسن لج مرتاحه
جابلي عمرج وعيالج وقضي وقتج بأشياء تفيدج
انا ما اشتغل وعندي بنتين ومسوتلي جدول انش الساعه 7 اسوي رياضه
واتريق واذا عندي شغل بطلع واذا ماعندي شغل بطلع لي شغله فالبيت
واحين ابا ادخل تحفيظ قران ان شاءالله ..
دام ريلي راتبه قوي ومب مقصر فيني ولا فعياله شو ابا فالكراف واهانات الدوام الله لا يحوجنا حقه
مع ام ياس ..
بس استخيري الغالية وسوي الي يريحج وما يأثر على بيتج . . بالتوفيق
اذكر كلام اخوي فديته
يقولي دام ريلج قادر ع صرف البيت شو تبين فالوظيفه
وباجر اكيد بتاخذين قرض لسياره او لشي ثاني
طبيعي كل حرمه تشتغل واسالي اللي يشتغلن كل وحده ماخذه قرض لظرف معين ومتبهدله وايد
ف شو تبين بعوار الراس دام ريلج قادر ع صرف البيت
وشي دايما انا اقوله ما في فلس يبقى لج بالعكس بتزيد عليكم المصاريف
كل ما زاد دخل البيت زادت الطلبات
ف خلج جي بدون وظيفه وجابلي ريلج وعيالج
بالتوفيق
تبين نصيحتي حاولي تقنعينه تكملين بس الدراسه بدون الشغل
الشهاده سلاحج .. سبحان الله ما تعرفين يمكن بتحتاجينها مستقبلا لا سمح
الله لا تعتمدين ع شي بهالدنيا غير ع ربنا سبحانه وتعالى
ثم نفسج وعلمج.. كملي ع الأقل للثانوية العامة وتسلي ف البيت تعلمي مفردات من كل لغه ..العلم نور ياقلبي
مشكورة خواتي على ردودكم الحلوة وان شاء الله بسمع نصيحتكم وبهتم ببيتي وعيالي ونفسي هههه الله يخليكم لاهللكم وازواجكم