السلام عليكم ورحمة الله
شحالكم يا امهات …؟؟
انا عندي بيبي عمره شهرين واسبوعين الله يحفظه يارب …بس مشكلتي ان السهر ينام طول النهار ويسهر بالليل
حاولت وايد انظم نومه بس للأسف احيانا يكون تعبان وشكله يبا ينام بس بعد يسهر …حاولت فترة العصر اخليه يلعب لحدالمغرب
ونفس الحاله سهر شو الحل كيف انظم نومه ؟ …والمشكله الثانيه انا اعطيه حليب صناعي للأسف بس المشكله ما يشربه كله
يعني بيشرب النص وبيرقد وبعد فتره بيشرب النص الثاني وعلى هالحاله حاولت اشربه كله مره وحده عشان يرقد ويواصل نومه بس ما قدرت ….
اتمنى تسااعدوني لانه اول بيبي واحس ما اعرف شو اسوي …؟؟
وشو ممكن اعطيه ف هالفتره ؟؟؟
والله يا اختي نفس معاناتي وانا البيبي مالي توه مكمل اسبوعين .. وكنت ابا اكتب نفس معاناتج بس سبقتيني … يا خواتي سعدونا اللي عندها خبره ما تبخل علينا بليزز ؟؟
وهل طبيعي ان البيبي اللي مكمل اسيوعين ويشرب من الحليب الصناعي يرجع يعني يزوع .. لان البيبي اللي عندي يشرب شوي من الحليب وبعد ما اكرعه شوي ويرجع بقو من الحليب ؟؟؟ هل هذا طبيعي ؟؟
وبعد هل طبيعي في الاسبوعين يبدأ الخروج يسويه مره وحده في اليوم ولا هذا هب طبيعي لان قبل كان يطلع الخروج اكثر من 4 مرات والحين مره وحده في اليوم ؟؟
الله يعيناا على تربيتهم تربيه صالحه .. واتمنى من الامهات الي عندهم خبره يساعدوناا
هلا حبيباتي
بالنسبه اسهر البيبي انتيحاولي تنظمين له النوم وهذا يكون عن طريق تهيات الجو والمكان يعني بالنهار لم ينام عادي خلي الاضاءه مفتوحه والتلفزيون اما بالليل لا خلي بس الابجوره مفتوحه وبندي التلفزيون وخلي الجو هادي لانه سبحان الله في اطفال يكونون فضولين ويبون يتابعون كل شي ويشفون اي حركه فيتم قاعد مايبي اينام انا ولدي البكر كان جي وايد تعبت معاه لين ما نظمت رقاده قعديه من وقت يعني شوفي الساعة كم نان واحسبي له 8 ساعات نوم وبعدها قعديه وبندي المكيف وشغلي الاضاءه وفتحي عنه القماطات والبدله بعد بس خليه بملابسه الداخليه لانه الطفل من ينشال عنه اللبس يحظ بالحريه وخليه قاعد تقريبا ساعتين وبعدين سبحيه لانه للسبوح بيخليه يبي اينام وبالليل عادي اذا بينام الساعة 11 وايد زين بس اكثر لا وحاولي بالنهار تعطيه غفوات صغيره خاصهفالبدايهلين مايعتدل نومه اما بهدين انا عن نفس اعيالي اقعدهم الساعه ۹ الصبح العب معاهم وبعدين اذا كبير وياكل اكله وخليه فتره يلعب والعاده يبونينامون لانه البطن مليان والساعه ۱۲ اسبح واخليه ينام نومه طويله يعني مال ۳ ساعات او ٤ وكيف تقدرين تخلينه ينام هالساعات انه من يكمل ساعتين رضعيه وهو نايم لاتنطرينه يقوم وبهطريق بينام عدل وبعد المغرب ممكن يغفي الطفل مال نص ساعة وبعدها على الساعة 10خلاص ابدل ملابسه كامل واسوي له مساج وبعدها اهيء له الجو النوم وارقده واكون قبلها بفتره ما عطتنه حليب علشان يرضع عدل وينام
بنسبة الاخت سيدات الامارات
بالنسبه للترجيععل حسب اذا مثل النافور هذا موب طبيعي معناته الحليب موب مناسب له اما اذا ترجيع عادي فهذا يكون انه معدته صغيره ومع الوقت راح تتوسع
اما بالنسبه لتغير البامبرز فممكن يكون الامساك من الحليب الصناعي لانه يسبب امساك للطفل موب مثل حليب الام اخف على معدت الطفل
شو نوع الحليب الي تستخدميه للبيبي اغلب الدكاتره ينصحون بحليب نان لانه الاقرب لحليب الام وهو يسوي امساك للطفل في بداية اخذه لين تتعود عليه المعده تقريبا شهر وبعدين يتاقلم عليه ويصير الخروج عنده طبيعي
الله يحفظ لكماعيالكم يارب ويسخرهم لكم
يعني حليب سيميلاك هب زين … لان قبل كنت اعطيه من صدري وسبب تشققات وبعدين قام يخف عندي الحليب يعني يدر شوي .. فقالولي بنعطيه حليب معزز .. فقالولي سيميلاك ؟؟؟