السلام عليكم خواتي ….بغيت استفسر من الخوات اللي ساروا لبنان عادي العربانة هناك مال اليهال تمشي لاني سمعت ان ارضهم متعرجة يعني العربانة تكون متعبة في المشي ومب عملية
أنا ما خذت معاي عيالي،، بس ما أعتقد إنك بتتعبين منها، بالعكس محتاجة العربانة عسب الأغراض
حسب المكان اللي بتروحين له …
بس احسن تشلينها معاااج …
انااا في اماكن كنت اخليها برااا ما ادخلها معااااي اذا حسيت انها بتعبني …
خواتي أنا حالين في لبنان وساكنه في علاي وسفر العوده للبلاد بيكون يوم الأربعاء وليل الحين ما خت شيء من حلوياتهم وأجبانهم ممكن المساعده شو أحلى الأماكن للحلويات مثل البقلاوه والأجبان والزيتون في علاي أو بو حمدون أو حتى في أي منطقه قريبه ممكن المساعده خواتي
بالنسبة للعربانه عااادي هناك …
الارض المتعرجة بس في السوليدير ( الداون تاون ) … بس باقي المناطق عااادي ..
خذيلج العربانه اللى توايرها عريضة و متينه شوي عشان تستحمل …
في المطار تقدرين تشترين البقلاوة من الدويهي ,, وايد يعيبني ,,
و فيه بعد الرفاعي على ما اعتقد ,,
لحظه بشوف و برجع
رجعت
عند غوديز تقدرين تاخذين الزعتر ,, و بالنسبه للاجبان ما كد يبنا ,, يمكن يبنا مرة لبنه و سوولنا سالفه في المطار
لأنه فيها زيت و ما يخلونه يخطف
احنا نروح محل يبيع مونه من كل نوع ,, زعتر ولبنه و زيت زيتون و خرووب و جام بكل انواعه و زهورات و كل شي
المحل جريب من بحمدون نسيت شو اسم المنطقة بالظبط ,, لكن بتلقين وايد حتى في المحلات الصغيرة
و ان شاء الله ترودن بالسلامة
الله يوفقج الله يرزقنا الزوج الصالح