افكار ومقترحات لاستقبال بناتنا الطالبات

لو كانو الطالبات يداد ع المدرسه ،

يعني مثلاً طالبات من الصف الـ 10 وأول مره ايون هالسكول ..

فحلو إنكم فأول يوم تسوولهم حفل استقبال لو بسييط ^.^

ويفضل لو طالبات الدفعة الأخيره يعني صف 12 ، هم اللي يسوون هالحفل =)

مقدمه وقرآن ومسرحيه فكاهيه [[ توصل اللي تبون توصلونه إلهم من قوانين من أي شي سواء فاللبس فالتصرفات و و و ]] ، ومسابقات ووزعو عليهم هدايا بسييطه ، نحن يوم يينا عطونا أسكريم توت قوم بو نص بس واايد استانسو البنات عليه لوول

وفأول حصه ، حلو إذا كنتي أبله تعطينهم أيي شي ، صدقييني أوول مره بيشووفونج فيها البنات ، بياخذون فيها فكره عنج وعن مادتج ،

أحيد وحده من أبلواتنا وزعت علينا ككاو جالكسي ، ووحده وزعت علينا قلم رصاص + حلاوه ، ووحده وزعت علينا حلاوه شكلها كيووت جنها مساحه لوول ، وأبله وزعت علينا قرطاسيه للسكول بس أشيا خفيفه "مساحه – دباسه صغيره – قلم صغير – …" وحطته فشي شرات الفانوس =)

ولو كانو الطالبات مب يداد عليكم ،

نفس الشي مجرد توزيع بسييط يخليهم يتحمسون للسنه اليديده

^.^