اشحالكم خــواتي
خــواتي انا بديت رجيم من اسبوع بس والله تعبت حرمت عمري من الكاكاوات وكل شي حلووو والأشياء الدسمه وآخر شي نزل كيلو بس والله اني انصعقت
بس ابغي اسألكم شو اهي النشويات ؟؟؟
وهل الخبز الأسمر والسلايس الأسمر يمتن ؟؟؟
انا سمعت انه الخبز الأبيض نفس الاسمر ماشي فرق بينهم ؟؟
يــاريت تفيدوني انا تعقدت وتعبت كل ما اسوي رجيم امل منه بسرعه واوقف
والسموحه منكم
لا الغالية لا تيأسين
شوفي انتي يمكن نقصتي كيلو واحد من الوزن
بس لو تروحيني تشيكين على نسبة الدهون والسكر في الدم راح تلاقينها غير تماماً
وما في شي تبين نتيجته من أول يوم
تصفحي القسم وشوفي الريجيمات اللي البنات جربنها واستفادن منها
وكوني انتي الحكم لنفسج
والله ييسر لج أمورج الغالية
فديتج والله شجعتيني
بس انا مااقدر اتحمل اي رجيم
تعبت نفسيا
كله اسوي رجيم قاسي واسوي رياضه وكل شي بس انا مليت
بس ابغيكم تقولون لي الخبز الاسمر يمتن ؟؟؟
هلا حبيبتي الخبز الاسمرما يمتن لكن لازم تتقللين منه اثناء رجيمج لانه من تجربتي ينفع للي يبون يثبتون وزنهم
و حاولي تاخذين في اليوم 2 توست يعني شريحتين لا تزيدين عشان تضعفين و اذا تاكلين توست لاتاكلين عيش و معكرونه بنفس اليوم
ماادري فهمتيني او لا
و ان شاء الله توصلين للوزن المثالي و انتي باتم الصحه و العافيه
شوفي الخبز الأسمر والخبز الأبيض تقريبا سعراتهم الحراريه قريبه من بعض بس مب متساويه
لكن الي اعرفه ان الخبز الأسمر يوم تاكلينه يحسسج بالشبع لفتره اطول من الخبز الأبيض عسب جيه ينصحوبه في الرجيم
هذا والله أعلم
لا الخبز الاسمر مايمتن
تسلمووون لي
عيل زين بحاول اقلل من الخبز الاسمر على الاقل بس وحده في اليوم وانا آكل بس توست
مس نونو فهمتج يالغلا انا الحمدلله هالفتره مبتعده عن المعكرونه والعيش ابد مااكله
مشكورات حبيباتي ع الرد