استفسار بخصوص دراسة الماجستير في الامارات

لو سمحتوا خواتي مخططة أكمل الماجستير السنة الياية بإذن الله ،،،، بس تعبت وأنا أدور على جامعات ، قلت أسألكم ( ما خاب من استشار)

شوفوا :

انا درست دبلوم عالي في إدارة المعلومات ، وبعدين درست بكالوريوس التربية في الإرشاد المهني والتوجيه الوظيفي ، وحاليا ادرس بكالوريوس شريعة تعليم عن بعد في جامعة المعرفة بالسعودية

من خاطري أدرس إما أصول الدين أو إرشاد أسري ،،، واخر اختيار موارد بشرية ((( ما أدري أذا يقبلوني في أصول الدين في الجامعات لاني تخصصي أصلا ما كان شريعة في البداية أما الشريعة اللي أدرسها أحين بعدني ما خلصتها سنة ثانية وفوق ها هي عن بعد يمكن ما يقبلونها حسب علمي)

بس وين عاااد ؟

دورت في النت والمنتديات وحتى في موقع جامعة الشارقة وعيمان بس ما خذت فكرة

طبعا بتصل فيهم بس قلت اشوفكم أولا

ملاحظة : ما أقدر أدرس في دبي علما الجامعات اللي في دبي حتى الخاصة مثل البريطانية والاسترالية قوية بس مشكلتي المواصلات + أنا أداوم الصبح وأدرس بعد على النت يعني صعب أروح دبي

وأبا الحق التسجيل حق سبتمبر

شاركوني بمعلوماتكم وخبراتكم ،،، يعني شو الجامعات وكيف الدراسة والرسوم ؟؟؟

في انتظاركم

جزاكم الله خيرا