السلام عليكم
بنات ابا اخذ الليسن، أنا من بوظبي..
خبروني شو الخطوات إلي لازم اسويها تراني ما اعرف بالمرة ..
كم الرسوم ؟؟
ولازم ادرس لمدة كم؟؟
الكلاسات مختلطة ولا فيه كلاسات حريم؟؟
ساعدوني يزاكم الله خير..
أول شي لازم تفتحين ملف في الشرطه ولازم ولي امرج يكون موجود سوى كان الوالد او الزوج..
والرسوم اظنى 300 درهم..
عقبها يعطنوج ورقه وتروحين مدرسه الامارات الى في مصفح لتعليم السواقه وتاخذين دروس فيه صباحي وفيه مسائي …مش مختلط الحريم بروحهن..وفيه مدرسه لمده اسبوع بقيمه 750 درهم..اذا عمرج ما سقتى قبل تاخذين دروس عملي عندهم ب 2700 اظنى وانتى وشطارتج…
عقبها ممكن تتدربين عند مدربه الساعه ب 70 درهم وتعلمج على الشارع والريوس حق امتحان الشرطه..
الشرطه يعطونج يوم يمتحنونج ريوس واذا نجحتى يعطونج شارع واذا نجحتى يعطنوج اليسن وبالتوفيج.
واعرف مدربه هنديه بنت حلال وطيوبه تساعد من الخاطر ومب بعض المدربات همهن الفلوس بس،اذا تبين رقمها خبريني .
والسموحه منج.
بالتوفيق ان شاء الله
و عقبااااااااااالي يا رب .gif "12 (63)")