.اريد افااااااارق هالدنيا والله اني تعبت وااااااايد .

اشحالكن خواتي..انااا ماتخيل اني اقدر اكتب مشكلتي في المنتدى..بس والله مالي غيركن..

تعبت من الظلم..تعبت من القهر اللي في قلبي..اكتب ودموعي هي اللي مب متحملتني…..

خواتي..انااا يا علاقه مع انسان كتبتلنا الدنيا انه نعيش مع بعض ونحب ونحترم ونقدر ونعز بعض..

اناا انسانه عمري 28 سنه..مرت الظروف اني اعرف انسان ماشالله قمه فالاخلاق والادب..لكن يصغرني بسنه فقط..مرت علينا السنوات من دون مانحس..الله يعلم كيف هالانسان كيف كان يحبني وشارني..وطبعا الفرق الوحيد اللي من بينا انه المستوى العائلي اكبر من مستوا عائلتنا..انا عيميه بس جدود جدودي من مواليد الامارات..وابدا محد فينا يتكلم عيمي..مستواه ومستواي التعليمي متساوين..وطبعا ضروفنا ضعيفه وكان هالانسان مايقصر وياي في شيكل شي كان مسولي كانه ابويه اخويه ريلي حبيبي كلللللللل شي كنت اداوم في اماره ثانيه بعيده عني وخلاني اضطر اني اقدم استقالتي عشان ماتعب من الدرب اتخيلوا قال بدال ماداومين بهالراتب انا بناولج اضعااااافه بس اخاف عليج من الدرب..وسويت اللي يباه..الحمدالله مب محتايه اي شي..مب قاصرني اي شي هالموضوع من 2 سنتين اتفقنا عالزواج من 3 سنوات (علاقتنا دامت 5 سنوات) طبعااا كل المشاكل وقفت في دربنا..اهلي واهله..امه رفضت رفض تااااااااااااام..من دون ماتذكر الاسباب..ومن دوون ماتعرفني رفضت وياليت كلمها مره او مرتين..10 مرات ياخواتي حاول يرمسها..بس من يبدأ الموضوع تبغم في ويهه..وبعده عشان مايحسسني اني انجرحت قال يا فلانه تقدرين تقنعين هلج اني اتقدملج من دون هلي..وبسويلج كل اللي تبنه..وحليله سار ايشوفلنا فيلا وبيرتب كل شي..بس شرطه انه مانسوي عرس يعني اتكون حفله ع قدنا..وطبعا انا رمست الاهل وقنعتهم لاني فعلا اباه ويباني..عشان ماتستويلنا فضايح جدام الناس لان امه انسانه مسلطه وااااااااااااااايد وراعية مشاكل..واناا ضحيت ورمست اهلي واجاتلت وياهم عشان يوافقون..ومرت فتره وسكتنا عن هالموضوع..
هني تبدأ القصه..هالانسان احسبه اتغير عليه واااايد..افتحله الموضوع يسكت او يعصب او يغير
السالفه..طلبت اني اشوفه عشان نتفاهم..اتخيلوا شو رد عليه..(خلينا نصبر واقنع امايه لان اذا امايه
وااافقت بتكون حياتنا سعيده)..الحين فكرت بامك..وانا يوميا ضرابه يا امايه بسبته هو وكل يوم
اطلعلها سالفه واقولها يقولي اتريي اتريي اقنع امايه..سكت اسبوع كامل عنه وهو حارق تلفوني
وانا نارد مسجاته تعبتني وااااااااااااااااايد..رديت عليه..قال خلاص يا فلانه انا بشوف امايه اخر مره
واذا كان ردها لا بيي اتفق وياكم عشان العرس..
كل يوم ايي يوم..وانا اموت فيه مب عاااارفه يا خواتي شو اسوي ولا وين ادق براسي شو الحل وكيف تعبت يا خوااااااااااتي…

و لا تقولين اريد افارق هالدنيا

صح انج متظايقه و من شدة الظيق تقولين جيه بس مب زين يا الغلا

اذا الله كاتبلج تاخذين هالانسان بتاخذينه لانه بيكون نصيبج

و اذا مب رايده لج الخيره فيما اختار الله يمكن ربي بيعوظج بالي احسن منه اظعااااااف

دامه قالج هالشي يمكن اهله امهددينه بشي

مثلاً ما يدش بيتهم

ماله نصيب في شي عندهم عشان جيه تغير

أنتي بيدج الدعاء .. اطلبي من رب العالمين و ألحي بالدعاء انه الله ايسخر امه و توافق على الزواج

أختي بقولج نصيحه لوجه الله: انتي ظامنه انه لو تم الزواج بدون رظى اهله و عرفو بعدين ما بيحنون على راسه طلقها طلقها؟؟؟

شوفي اختي ماشي مثل صلاة الاستخاره

تدرين ان صليتيها و الله رايد انج تكونين له بيتم موضوعج بسهووووله و يسر

و ان كان فيه شر لج ربج بيصرفه عنج و بيبدلج بالاحسن و انتي راااااااظيه صدقيني

استخيري و الحي بالدعاء

بين الاذان و الإقامه

بعد كل فرض

عصر الجمعه

الثلث الاخير من الليل

انت صلي وودعي وايد وصدقيني بيصير كل خير

ولا تنسين انه لو كان من نصبيج بتاخذينه سوا طال الزمان او قصر ..ومهما سوه البشر ما يضرونج ولا ينفعونج بشي الا رب العالمين قال كن فيكون

ويمكن يكون جاد …