السلام عليكم
اتمنى حد يساعدني … انا بمرحلة الديكور واخترت لغرفة النوم مرايا عالسقف كحركة في الديكور ..
مثل هالصوره:
المرايا اباها نفس الصوره تكون في تحفيرات يعني يعطي انطباع ان المرايا مقصصة وعذال بعض ..
المشكلة ان شركه الديكور حولتنا لراعي الزجاج .. يقول ان اذا بيكون في جي تحفيرات يعني طبقة الزجاج لازم تكون كبيره فبتكون ثجيله وبتطيح ما بتثبت فما يصيييييير !! 
شو الحل …
اللي مجربه ومركبه قبل نفس هالمرايا او يقاربها .. تخبرني كيف تتركب او في محل شاطر يعرف كيف يسويهم بهالطريقه ..او يشبهها ..
انا من راك بس عندي استعداد ابعد برا راك .. بس الاهم يكون مضمون ويعرف يسويها نفس الصورة !!
لا تبخلون علي ..
للرفع
والله يأختي خطر فالسقف حطي الزجاج على الجدران أفضل وديكورات زجاج الجدران وايد…تقبلي مروري
انا احيد في عضوه من راك حاطه ديكور بيتها والاثاث
ومن ضمن الديكورات كانت صالتها او الميلس حاطين زجاج في السقف وهالموضه كانت في الصيف
اعتقد اسمها امواج او موج دوري بالقسم
فـ اعتقد عادي تحطين مريا بس ادورين محل مطور ويعرف كل يديد ويسويه لج بـ احتراف
صغري قياس الزجاااج ،،، وكل محلات الزجاج بتنفذه لج
لاتخلييينه مساحه كبيره لانه صدق مجازفه واحس خطر ،،، ماتعرفينه يمكن بسبته الحراره يطيح
لاسمح الله ،،،
دارج الزجاج في الديكور ولكن بمساحه معقوله
انا بعد بغيته بس خفت واترددت عقبها كنسلت,,,
يستوي تخلين خلفية السرير ب هالطريقة’’’’
احيد سرت فندق زعبيل سراي وكانت الغرف ب هالنظام,,عالخلفية مب السقف وطالع يجنن
الغالية خطر جدا تسوين مرايا ع السقف ..
جربي تحطينها على الجوانب كديكور او كديكور خفيف ورا السرير او على زوايا الغرف وجي
موفقة الغالية