اختلاف المستوى التعليمي بين الزوجين ؟؟

بسم الله الرحمن الرحيم

اختي رح اتكلم من واقع تجربة شفتها بعيني …وحدة جامعية وتشتغل في دائرة حكومية وزوجها اعدادي كان في الجيش لما تقاعد من الجيش تعب وما حصل وظيفة وفي الاخير حصل في شركة خاصة عن طريق واسطة حصلتها زوجته وطبعا فرق بالرواتب والساعات العمل اكثر ومتحمل ومتبهدل بس عشان ما يطلع برى واحس تعبانين هي شايفة عمرها عليه و كل يوم مشاكل وتعيره بمستواه المتدني وراتبة البسيط وهو يكرها ويضربها اعتقد لهذا السبب …..في رأي انا احس لازم ما يكون فرق في المستوى التعليمي بن الزوجين يعني تكافئ بين الزوجين والاهم من هذا انه يكون ذو خلق ودين ….تحياتي

مب شرط انا اعرف وايد ناس الزوج جامعي والام اميه وعايشين احسن عيشه

وايج واحد ابتدائي بس اسلوبه لبق في الكلام ويجذب الي حواليه باخلاقه

على حسب الحرمه اذا تتحسس من هالموضوع راح يكون فيه فرق

انا وريلي كلنا جامعيين فما عندي مشكله في هالموضوع الحمدلله

اللي أشوفه إن الزوج هو اللي يتحسس من هالموضوع أكثر وخاصة إذا زوجته تشتغل وراتبها أعلى من راتبه… معظم الأزواج يحسون إن الزوجة شايفة نفسها عليه بس لأن راتبها أكثر … يعني الريال ما فكر من البداية يكمل دراسته وإذا خذ وحدة جامعية قال هذي متكبرة وشايفه نفسها علي!!!

بالذمة شو نسوي نحن الحريم ماندرس يعني عشان خاطرهم!!!؟؟؟

بالنسبة للزوجين هل المستوى اعني الفارق التعلييمي بينهم ياثر على حياتهم

بخوف

شوفي اختي الله يسلمج انا عندي بكالوريا و ريلي ثانوية
و عايشين ما شاء الله تبارك الله احسن عيشة… انا احترمه لانه ريلي و على عيني و على راسي >>>عمري ما قللت منه او من راتبه او من شهادته..

و على فكره ربيعتي معها بكالوريا و ريلها اعدادي.,… و راتبها اضعاااااااااف راتبه بس ما شاء الله عليهم سمنة على عسل ربي يوفقهم… ليش؟؟ لأن الاحترام موجود و ربيعتي ما شاء الله عليها عاقله و تحترم ريلها و تعرف ان الاحترام هو اساس ااستقرار و السعادة