حابه اليوم اعلمكم فن تصميم الشيل ..وهى من هواياتى المفضله … شيل وعبى وفساتين … وحابه انى مااخبى معلومه على اختى المسلمه .. عل وعسى تكون عندج هل الموهبه وانتى ماتعرفين عنها …
ماراح اطول عليكم راح ابدأ الدرس ..
الاشياء المطلوبه …
1 شيله ساده .. تكون من النوع المفضل لديكم …. مش خفيفه طبعا …شرات (دبل ساري )… تكون دجى الليل او شامواه
2- فصوص كرستال .. بهذا الحجم مثل اللى في صوره السفلى
3- فصوص لون بنى … او حسب الون المطلوب اللى تلصق بالكاويه
3-ألوان خاصه بالملابس ..يعنى ماتنمسح ابداً مثل اللى في الصوره
4-فرش رسم
الطريقــــــــــــــــــــــــــــــــــــــــــــ ـة
اولا .. جهزي الشيله على طاوله واسعه … تكون فاضيه مافيها اغراض وايده ..عشان مايتخربط كل شى …
حاولى تثبتين الشيله بشى عشان وقت الرسم ماتزحلق معاج او تحطين شرشف قطن .. عشان يتماسكوا مع بعض .. بس طبعا هل الشرشف ماتكونى تحتاجينه عشان اللون مايطبع عليه وتخترب الدنيا
ثانيا ..
الصقى الفصوص الكرستالى او اخيطيها على شكل خماسى .. ثم ارسمى بالون البنى .. كم في الشكل على اطراف الفصوص الكرستاليه من الجهتين …
وبعدين حددي اطراف اللون البنى اللى رسمتيه .. بتحديد ذهبى …من علبه الالوان كما في الشكل
والحين نى لرسم ورق الشجر ..
استخدمى هذا اللون
لرسم اخصان الشجر
أيضا ستحتاجين لتحديد اللون الاخضر بلون لامع افتح بدرجه منه
وسيصبح بهذا الشكل
وهكذا سيكون توزيع ورق الشجر ..
الخطوه اللى بعدها .. تلصيق الفصوص بالكوي
وطبعا الطريقه تحطين الفصوص على الكاويه … فص بـ فص .. مو كلهم عشان ماينحرقون او
يروح بريقها …
وما تتركينها اكثر من 10 ثوانى ..هذا إذا الكاويه في درجه حراره عاليه ..
هذا الشكل بعد تركيب الفصوص
وبعدين لاحظت ان الحركه خفيفه فحبيت ازيد شوي عليها .. وانتى تقدرين تتحكمين بالنهايه انج تزيدين
او تنقصين فيها على كيفج ..
وهذا عندي الشكل النهائى …
وهذا بعد بطريقه اقرب عشان تشوفون الشكل
وهذا الشكل في النهايه
وبالاخير تقدرين انتى تحددين المكان المناسب اللى تسوين فيه هل الحركه … وصدقينى الصور بعد ماخذه نص حلاوته الحركه .. حاولت ابرز الشكل ..بطريقه اوضح لكن هذا اللى وضح …
وملاحظه بعد ماتلونين … خليه 12 ساعه ليجف عقب ركبى الفصوص وباقى الحركات …
وبهل الطريقه تلبسين شى مميز لج .. وماحد عنده شراته ..
وانتى تقدرين بعد تنمين هل الفكره بأشكال ثانيه ورسومات واو غيره … وطريقه حلوه عشان
تفتحين بزنس مميز لج في البيت :shy:
اتمنى تكونون استفدتوا …
انتظر تعليقاتكم :salam:
ماااااااااااشاء الله
روووووووووووووووووووووووووووعة تسلمين على الموضوع
يزاج الله خير
بغيت اعرف من وين تشترين هالالوان
مشالله عليــــــــــــج
رووووووووعه وهالكلمه ماتوفى فيج
ربي يوفقج دوووووووم وهوايه حلووه
وشكلي بجربهااا ^_^ من الملل ههههه
تسلم ايدج بنت عمــــــــــــــــي
الله يوفقج ويزاج الله عنا كل خير
ماشاء الله عليج
اناشراتج ارسم واركب فصوص
كنت مسوية من زمان افكار شراتج وصورت الشيل بس ما ادري الصور مسحتها وين حطيتها ماادري
والسموحة
تسلمين اختي على ذوقج الراقي
بس وين ممكن احصل الالوان
وشو اسعارهم
وبالنسبه للفرش ماركه معينه وكيف بعد ما استخدمهم امسح الالوان عنهم
ويزاج الله خير عن الجميع
الالوان تحصلينها في المكتبات الكبار
بـ 86 بدرهم …
وتخلينها 12 ساعه بعدين مافى داعى تغسلينها خليها جى
ماشالله شغل حلو … موفقه إن شالله .. نتشارك نفس الهوايه …
هذي صور لشغلي .. مع الرسم أضيف الكريستال والخرز ,, وأي شي احسه بيسوي إضافه ع التصميم …
[IMG]http://www.********.com/up/uploads/5a387da9a0.jpg[/IMG]
بالنسبه للألوان .. عشان تثبت … بعد ما اتجف الرسمه .. تكوينها من الخلف .. وتقدرين تغسلينها …. لأن الألوان اتكون ثبتت …