السلام عليكم
يا ريت كل وحده تخبرنا وين ناوين تسيرون السنه .. نحن الحين في طور الحجز و التخطيط للروحه لاستراليا .. بصراحه اشوفها غاليه و تعب لطول الدرب .. بس خلاص قررنا .. ابا اقارن وياكم و اشوف هل السيره محرزه او لا
يالاا خبرونا
المشاركة الأصلية كتبت بواسطة ثوب نشل 
يا ريت كل وحده تخبرنا وين ناوين تسيرون السنه .. نحن الحين في طور الحجز و التخطيط للروحه لاستراليا .. بصراحه اشوفها غاليه و تعب لطول الدرب .. بس خلاص قررنا .. ابا اقارن وياكم و اشوف هل السيره محرزه او لا
يالاا خبرونا
هلا الغاليه
استراليا تستاهل الواحد يتعنالها وبالعكس ارخص بوايد عن فرنسا او جنيف
تجربه حلوه سيريلها مابتندمين واذا تبين بعطيج تقرير مفصل عن الاماكن اللي لازم اتسيرينها وبتستانسين فيها وشو الاسعار عسب محد يقص عليج
وعني والله للحين ماعرف لان ان شالله بعرس ع شهر 7 وريلي يبا يسير موريسش وفرنسا وماحجزنا ومادري بنسير هالدولتين او لا لان انا خاطري اسير اسبانيا صراحه روعه واللي فيه الخير ربي يجدمه
ومشكوووره الغلا ع الموضوع
وعليكم السلام والرحمه ..
ما شاء الله زين يوم بسيرون استراليا عاد في الصيف يكون الجو بارد فيها بس الكل يمدحها ما سرنالها لين الحين لانه بعيده بس خواني وايد يمدحونها ..
نحنا أخر لحظه نقرر وين بنسافر قبلها بأسبوع بس .gif "12 (61)")
..
ماليزيا
العمره اذا الله كتبلنا
احتمال لوجانو في سويسرا و ميلانو
إنشاء الله استراليا ……..بس بغيت اعرف من الأخت ثوب نشل مع أي مكتب للسياحة تتعامل وشو عن الأسعار؟؟؟
واللي كد رايح استراليا يعطينا تقرير عن استراليا والفنادق والأسعار………