احسن كرسي للاطفال ينوظع بالسياره . . .

لا خواتي

شحالكم؟

ابى رايكم احسن كرسي للسياره

للاطفال …

شريت لي كمن واحد وكل مره يظيع منه شي =(

مره الحزام مره الاسنج خخخ ياخذ ابو الاهمال

وهالمره باخذ .. وين اشتري؟

منو خذت كرسي وحسته وااايد اوكي

يعني من حيث الامان

لاني عبيطه شوي

انسى واسرع ساعات بعدين اتذكر عندي بيبي خخ

الله يحفظ عيالكم يارب

الغاليه أهم شي في الكرسي انه يكون مريييييييييح علشان الياهل ما يتضايج في وقت قعدته لو طولتي ..

أنا خذت كرسي من بيبي شوب ويناسب الطفل فأعمار مختلفه .. يعني وااااااايد عملي ..

ينفع للياهل من عمر 4 شهور لين عمر 9 أو 10 سنوات ^^
الحزام له مستويات بحيث انج كل ما يكبر ترفعين الحزام لمستوى أكبر يناسب حجمه ^^

وله قاعده تقدرين تحطين فيها مرضعه الياهل أو كوب أو عصير ^^

اللي خذته شرات هذا بالضبط و من 4 سنوات عندي وللحين مثل ما هو ما تغير فيه أي شي ☺

أهم شي نفس ما قلت لج في البدايه انه يكون الكرسي مريييييييح .. يعني يكون فيه اسفنج قوي يريح جسم الطفل … قبل لا تشترين الكرسي المسيه وشوفيه هل هو ناعم و مريح والا جامد ^^

وتييييييييك كير يوم بتسوقين .. و الله يحفظج ☺

انا أدور كرسي حق بنتي عمرها سنة وشهرين بس المشكلة ما تييلس مكان واحد في السيارة لازم تتحرك شو الحل وياها؟؟
وعندي رضيع و أباله كرسي بعد … شو تنصحووني

نشتري الكراسي على الفاضي عيالنا كل يصيحون

للرفع

لو يصيحون خليهم
بيتعودون مع مرور الايام
انا خذت كرسي لبنتي من كان عمرها 3 شهور …و تمت تستخدمه لحد ما صار عمرها سنتين وشوي
ولو اني ما حملت وقررت انها توقف استخدامه لاني ما اقدر اركب كرسيين في السيارة <<< واعترف ان هذا غلط
لو انا ما قررت اوقف … كانت بتم تقعد فيه على طول

الكرسي ضروووووري عشان سلامة الطفل وقت الحوادث لا قدر الله

انزين شو الحل اذا بتحطون الكرسي ورا( على الكرسي الخلفي)
وماعندج خدامه…يعني شو بيلهي الياهل؟
انا شريت كرسي مال بو سنه ولين الحين ما استخدمته غير في البيت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.