السلام عليكم
اخواتي بنتي الصغيره تعاني من الاكزيما منذ الصغر
تمينا سنتين على الادويه والتعب الى ان وجدت مرهم
عسل العويد وظليت سنتين مرتاحه والان منذ سته شهور
تقريبا حصلت الفاجعة المرهم مب متوفر بسبب نقص بعض المكونات
ولحين بنتي كثير تعبانه من الاكزيما
سمعت عن العلاج بتايلاند
بس مادري حد سمع او جرب علاج للاكزيما؟
او اى علاج عام باى مكان ويكون غير مضر لان قلبي انفطر من الادوية واخطارها
جزاكم الله خير دنيا وآخرة
غناتي جربي زيت لقمان الحيات قبل كانو اييبونه من الهند بس الحين اكتشفنا انه موجود في البلاد
تلقينه عند العطارين .. شي عطار في دبي في القصيص قريب من كنتاكي اسمه الزعتر يبيع الغرشه على 15 درهم..او في الشارجه عند العطارين اللي مجابل البحر
هذا الدهان حق كل شي زين..الجروح و الاعصاب و الالتهابات و القرصات..يعالج كل شي مره..ان شاء الله بينفعها
مشكوره غناتي جربته وحرق جسمها وايد
الله المستعان
فديتها والله ماتشوف شر…
بس السموحه منج ماعرف عن دوااء معين يمكن يفيدها..
تسلمين دعوه صادقة تسد وزياده 
ابصراحه ما عرف شو اقولج انا بعد الثنويه العامه تقريبنا من خمس سنين طلعتلي الاكزيما بوجهي بس ورحت كذا مكان وقالولي انها نوع من انواع الاكزيما بس مافي فايده العلاج الوحيد الوقايه والحميه الغذائية اهم شي الاكزيما شو هي
تبعدين بنتج عن الكل اللي احسسها
وهذا اللي انا اسويه
يعني انا اتحسس من السمج والبيض والكيوي والمنجا والككاو وفي اشياء .زالخ لما اكل هالاشياء تيلي حجه وتظهر البقع الحمره في ويهي ابتعد عن هالاشياء الحمد لله ويههي اكون صافي
واهم شي الترطيب رطبي جسمها دوم واستعمليلها صابون في نسبت ترطيب وفي دكتور اسمه سمير العبيدلي وايد زين روحي عنده عيادته بالشارجه
واعيال اخوي فيهم من امهم فقالولها وراثي بس انا من وين ياني ماعندنا حد فيه
والله لوتشوفينالبنات قلبج بيعورج دم يطلع منهم وفالليل ماينامول من الحج والصياح اعمارهم 3ونص والثانيه 4ونص
والهنتين فيهم والله ان من اتسافر لمهم تتولاهم امي او اختي بالكريمات المرطبه والصابون والمرهم واللوشن وتبعد الاكل اللي اضرهم تالي شوفيهم واللهان امهم يوم ترجع من السفر تستغرب اتقول وين راحت الاكزيما الياهل يبيله اهتماام وابصراحه هي ماعندها وقت الانها تشتغل
وادري اني طولت عليج بس ابيج تصبرين وما تحاتين والاكزيما مب معديه ول بسم الله مرض خبيث او مؤثر لاالحمد لله بس يبيله صبر وتحمل والله بيهونها واول مره اسمه ان له علاج غير الكريمات لاني كنت اعالج فالبدايه عند الدكتوره سعاد لطفي وماقالتلي ان له علاج ثاني وبعدين طلعت من المستشفى فبديت اعالج عند مينال صح اسعارها خياليه بس ماشاء الله عليها فنانه
بس محد قالي ان له علاج ثاني
المهم واعيال عن زوجي يتهم الاكزيما وهم صغار كلهم الاربعه وامهم ماتت من الخوف وقالولها انه اكزيما وقالت لها الدكتوره انه بيروح من اطوفون عمرالثمان سنين وسبحان الله راح عنهم كلهم وحتى بنات اخوي قالت الدكتوره انه راح اروح من يكبرون فنصيحتي لج داومي على علاج واحد وعند دكتوره وحده وبستمرار واهتمي فيها وانشاء الله وباذن الله راح اروح منها
واسمحيلي على الاطاله
بس حبيت افيدج
حبوبه أنا أخو ريلي صغير في العمر 10سنوات ..ومن أسبوع رايحيبه تايلند وبيشوفوله علاج وأذا نفعه بخبرج ….