ابغي الكل من يساعدني في مشكلتيه ابغي الحل؟؟؟؟

ابغي احل مشكلتيه وانتوا ما راح تقصرون ويايه يزاكم الله خير
انا مشكلتيه انا تعرفت على وحده من المنتدى نفسه والله حبيتها وايد
وهاي والله غيرتني في اشياء وايد انا مستحيل انسى فضلها عليه وهذا من طيب اصلها المهم احينه افترقنا
وانا راضيه مرتاحه بس والله حلمت حلم وصار شفت من اهلها ياللي يقربون لها مستغربه الحلم انيه راح اشوفها
بس والله شفت حد من اهلها والله من عرفت شردت ما قدرت ايلس ويها شوه السبب ما دري وانا قالت حق اربيعتيه انا راح اشوفج وياما احلم شي يصير واشوفه قدامي ان كان حلو او شين مادري انا كذا بصراحه

انا شفتها عند عرب كانت عندهم سايره واحب اعرف منو ياللي عندهم من الضيوف في ميالس لازم اعرف ما حب اقعد مكان الناس ما اعرفهم هذ طبعي من عرفت ان هاي من جومهم والله ما عرفت اقعد وياهم سلمت وطلعت تعذرت بصراحه اونه عندي شغل خفت بصراحه

حتى والله ما احب اطلع مكان ما احب اشوف الناس وايد
ما احب اطلع مكان ليه مادري بغيت اغير حياتي والله ما قدرت من اربيعتيه ما ودرتني
واحينه اكمل دراستيه الثانويه غصب عني ابغي انسى واطلع اغير حياتي ما قدرت والله شوه اسوي شوه الحل
ما قدرت انسى الماضي
الماضي اشوفه قدامي احاول انساه ماقدرت حسيت اني فاشله في حياتي والله حتى في المدرسه حاولت انيه اكون صداقه ما قدرت ابتعد احس في شي ناقصني احس الكل احسن عني عندي كل شي ياللي ابغيه بس والله احس انا اقل في كل شي يمكن الثقه معدومه اشك في نفسي دوم اقول انا ولا شي في هاي الدنيا

مرات والله تكون فني رجفه من اشوف الناس ما اعرف ارمس وياهم احس بخوف بداخلي اتوتر اخاف حد بيضحك عليه احاسب نفسي وايد على كل كلمه اقولها ما احب حد في يوم يتمصخر عليه دوم الخوف يلازمني
تمنيت والله اربيعتيه ما تودرني حزنت عليها بس هاي الدنيا نفس ما رمستها قالت ولله في يوم راح اشوفج بس انا شفت حد من اهلها لو ابغي اشوفها راح اشوفها بس ما رح تعرفني بس راح تعرفني من صوتتي ههههه بس ما قدرت والله جبانه خوافه هههههه سبحان الله شوه الصدف الدنيا صغيره
اتمنى اربيعتيه السعاده واتمنى من الله يعطيها العيال ياللي تمناهم الحمدالله رزقها بذريه صدق هيه زعلانه مني بس برايها المهم انا مسامحتنها من كل قلبي مستحيل اكرها في اي يوم من الايام يزها الله خير على ياللي اوقفت ويايه لو وحده ثانيه ما راح توقف ويايه عسى ربي تحفظها وتسعدها في حياتها

اتمنى اتغير الى احسن