مب عارفه كيف أبدى!!!
سبب المشكلة انه عندي خوات و اخوان ف البيت يقرون القرآن بصوت عالي لدرجة البيت كامل يسمعه أو اللي في الغرف الثانية يسمعون… لكن المشكلة ويييييييين
المشكله اني ماأقدر اركز في دراستي او أي جهد فكري وفيه صوت أيأً كان .. أو حتى أنام وفيه حد يتكلم بصوت عالي …
أحين انا مب فقيهه ف الدين ولاأني مطوعه .. أمس كلمت أختى ع أساس تخف صوتها وعطتني الأذن الصما .. لحد ماصرخت عليها وقلت لها فيه ناس يبون ينامون وناس يدرسون وسكتت لكن ف نفس الوقت خفت اللي أسويه ذنب!!!
أما أختى الثانية طبعا هذي حاطته بقصد الأذية والله اعلم ع طول مشغله القرآن بالغرفه جيه كأنه الطواعه نزلت عليها مره وحده ..الواحد اذا ماارتاح بغرفته وين يرتاح صرت كل ماأشوفها حاطته أشل قشاري وأطلع الصاله لين خلاص ماوصلت عندي وقلت أنا بشوف هاي شو تبي من هذا التصرف وخليت من يدي كل شي ورحت وقعدت ف الغرفه وماسويت شي غير أسمع القرآن لحد ماخلص أول ماخلص طلعت.. ومن يومها ماتحط قرآن!!!!
أحين خواتي أبي اعرف انا لي حق اتضايج او لا؟؟ وكيف أتصرف معاهم أو أقنعهم أنه هذا الشي مؤذي..والله مب عارفه شو أقول جاوبوني شو رايكم ف اللي يصير.. ولما أطلب منهم يخفون صوتهم ياترى أنا ارتكبت غلط وهل علي ذنب؟؟
والسموحه ع الاطاله
قولي الحمد لله ياختي انج تسمعين قرآن في بيتج موب الات اللهو ومزامير الشيطان بالعكس بيكون بيتكم حي مثل ما قال الرسول صلى الله عليه وسلم مثل البيت الذي يذكر الله فيه والذي لا يذكر الله فيه مثل الحي والميت لكن انصحي خواتج انهم ما يعلون اصواتهم وكلميهم بالطيب موب بالصراخ والله يهدي الجميع
رمسيهم بهداوة انه يخفوون صوتهم عسب تقدرين اتركزيين في دراستج
الله يعطيج الصحة و العافية أختي…أن أهلج يتفهمون وضعج…و ما عليج أثم أن شاء الله…سبحان الله أنا _أعوذ بالله من كلمة أنا..أشوف أن قراءة القران و سماعه يكون بصوت هادي ..أحس انه في خشوع و تدبر أكثر من قراءته بصوت عالي..و الله أعلم
بصراحه وايد استانست انه القرآن ينسمع في بيتكم .. والله بيحفظ بيتكم ان شاءالله من الحسد وغيره عن طريق القرآن..
أما بالنسبه حق خواتج رمسيهم وقوليلهم انج مب رايمه تدرسين .. بصراحه اختي انا مب مفتيه بس مثل ماقالت لج الأخت latifaa اتصلي على الافتاء أحسن..
الله يهدي الجميع ان شاءالله
كلامج صح انتي لا بتركزين لا في القران ولا في الدراسة كلميهم احسن انه في وقت دراستج ما يكون في اي شي ثاني او يشغلون قناة الاذاعة والقرآآن بصوت معتدل ع الاقل — وطبعا قراءة القراءان زينه محد قال شي بس انا حاسه فييج اختي
وطبعا
(( اذا قرأ القرآن فاستمعوا لو وانصتوا)) –وانتي لا تنصتين له ولا مركزة ع الدراسة — القران له وقت والعلم له وقت كيف راح تحفظين دروسج ما ادري والله الله يعينج —
نحن عندنا القراآآن 24 ساعة لان مشغلين الراديو ع قناة القرآآن بصوت معتدل والحمدلله —
تسلمن خواتي ع ردودتكن واهتمامكن
أختى latifaaتسلمين فديتج ويزاج الله الخير كله..
alasi
bdo0or
wadha
مشكورات ع المرور والله ييسر لنا الخير