السلام عليكم
مبروك عليكم الشهر الفضيل وان شاء الله يتقبل صيامكم ودعواتك…
المهم يا خواتي انا مستحية وايد من طرح الموضوع بس قلت بتجرأ لاني وصلت حدي من هالشي……
انا أول مرة في حياتي أعاني من إلتهابات مع أني بعدني مب متزوجة بس ما اعرف شو سالفت هالالتهاب والحكة الفضيعه والريحه الكريهه اللي فيني الله يعزكن مثل ريحت السمج الفاسد خخخخخخ جان أستحي لا اتقولون اني ما أحافظ على هالمنطقة بالعكس إهتمامي أكثر في هالمنطقة عن باقي جسمي وعقب رحت مستشفى النور واتعالجت عند دكتورة هندية ما أعرف شو إسمها بالضبط المهم سوتلي فحوصات وقالت انه عندي التهاب حاد وعطتني حبوب مع مرهم أمسح منه على المنطقة الخارجية وعقب ما كملت شهر من العلاج اختفت الالتهابات والحكة والريحه راحت وعقب من كملت أسبوع رد الالتهاب مع الريحه الكريهه بس الحكة راحت عني المهم رحت الصيدلية وعطتني مرهم ثاني أحسن وحبوب وما خليت شي ما استخدمته عشان أعالج هالريحه الخايسه والله اتعقدت منها بصراحه وأحين انا أعاني من هالريحه والالتهاب تقريبا من 4 شهور ونص ولين أحين مب طايعه اتروح مني الريحه الكريهه …..
فبليز يا بنات اللي كانت اتعاني مثلي شو سوت واتعالجت من هالشي واي عيادة أحسن فالعين واتعالجتي عند أي دكتورة لاني بصراحه يتني حالة نفسية من هالريحة والله كرهت نفسي والسبه هالريحة يا ليت اتساعدوني خواتي باسرع وقت
غناتي ايلسي بماي ملح اتودنيه وبعد نقطه مهمه ازاله الشعر عسبت ما ترجع لج الالتهابات بطريقه نظيفه
اهم شي هافاتج شقايل يتغسلن لو تغسلينهم روحج احسن ولا تحطين مبيض فيهم يسوي حساسيه ومن اتخلصين غسيلهم ودنيهم في ماي حار وديتول للاستعمال الشخصي الاخضر وعقب خلهم ينشفون في الشمس وبعدين تكوينهم الجراثيم اتموت
ان شاء الله افدتج
انا كنت مثلج يوم كنت بنت بس الحمدلله الحين تمام في تمام
بس لو كنتي في الشارجه كنت بدليج على دكتوره اسمها سوسن صقر مصريه اتسوي تنظيف حق البنات ما ياثر بشي بس ترتاحين
اختي استخدمي المر كغسول يومي ما منه ضرر واكيد تعرفين المره اللي في العطارين حطيها بغرشة ماء مسافي ونقعيها وغسلي بالماء كل ما تروحين الحمام وبعد ايام الدوره الشهريه استخدميه وبعد استخدمي غسول بيتادين مررررره اوكيه
اتمنى انني افتدك
اولا البسي ملابس داخليه قطنيه 100%..
حبيبتي ملابس الداخليه منو يغسلهاا اتاكدي من نظافه غسيلها وحاولي اتبدلين ملابس الداخليه في اليوم الواحد كل ما تروحين الحمام وانت بكرامه..استخدمي صابون ديتول وحاولي تزيلين الشعر لانه يساعد على الالتهابات والروائح..
والله يعافيج حبوبه
تسلمون خواتي على المرور وعلى ردودكن الحلوة
بس هالريحة كيف اتخوز وكم مدة يبالها والله اتعقدت
7abeebtee
ha el mwadee3 yabgeelha dr
raj3ee 3end 7ad thanee
يا بنت
سيري عند شمسه المساحه
اللي في فلج هزاع
هي اللي بتعرفلج
انا مره كملت حدود السنه في المستشفيات ومحد فادني
وسرت عند شمسه تقريبا شهرين وصحيت
هي تقول انها اتعالج اللي مب معرسات
وطمنيني عليج