هلا خواتي شحالكم شوفوا شو صار وياي مأساتي مع الخدم… بعد ما سافرت خدامتي الاندنوسية تمت عندي 4 سنوات ماشاء الله عليها المهم سرت وكفلت سيلانية عمرها 44 سنة قلت يمكن تكون ثقيلة وزينة اول شهر كانت زينة وثاني شهر قلتلها صارحيني اذا تبين تشتغلين او لا قالتلي ابغي اشتغل ومحتاجة بيزات واكيد بكمل سنتين والمفاجأة الكبرى أول يوم طلعت فيه الاقامة شرررررررردت الخبيثة حطيت مليون إكس على السيلانيات قلت بقدم على فلبينية لانه فلبينية خالتي وااايد زينة ….. المهم قدمت على فلبينية مسيحية فيرست تايم عسب الانجليزي قالتلي بالتليفون انها تدرس اليهال وتشتغل بالبيت استانست وايد وتعرفون هالايام الفلبينيات يتأخرون عسب قوانينهم والله انتظرتها شهر وعشرين يوم لين مايت امس ….. المهم امس كانت زينة بس المفاجاة اليوم طاحت مريضة وتمت ترجع وقالتلي انها تعبانة شوي انا انصدمت توة الناس على التعب وبعد فلبينية خالتي كانت تساعدها سألتها شو فيج قالت فيني الدورة ومشتاقة حق عيالي وسامحيني لانه ما عندي خبرة اول مرة اشتغل وايد خليني ارقد شوي قلتلها برايج هي رقدت وفلبينية خالتي قامت تشتغل ما شاء الله عليها يوم نشت قلتلها صارحيني تبين تشتغلين والا لا قالتلي ابغي اشتغل بس كنت تعبانة سامحيني المشكلة بصراحة انا خفت منها شو رايكم اخليها والا ارجعها المكتب اخاف تشرد احسها مرات باردة ياالله يالله تتحرك اقول في عمري يمكن لانها يديدة والله رأسي بينفجر من التفكير ساعدوني شو اشوي
الله يعينج اختي
مأسأة الخدامات ماحد خالي منها
الكل عنده مشكلة شكل… يعني احد يشردن عنده واحد ييبين له مصيبة..
صلي استخارة قبل تسوي اي شي….
وربي يكتب لج الخير في كل خطوة
لان اذا من البدايه تتدلع وتبين انها مريضه
بعد 3 اشهر بيكون فات الاوان وما تقدري تغيرها
لان مر علينا هالموقف وبينت انها مريضه وبس رجعنها المكتب صارت ولا كأن فيها شي
يعني جذبت علينا
اذا مو مرتاحه لها غيريها
والاستخار افضل
الله يفرج عنج وييسر امورج (:
اختيه يمكن توها يايه من طيارة مسكينه صبري عليها ونصيحه مني لج الخدامة لا تستفسرين منها عن عيالها والا عن اهلها والا اي شيء عن حياتها انتي يايبتنها تشتغل مقابل مال واذا ما تبى الشغل رديها وفكي راسج اللي يابها بيب مليون غيرها
الفلبينياات زيناات 00اصبري عليهاا فديتج
للرفع
ما عندي فكرة ^^
ان شاء الله تكون زينة
الله يوووفقج حبوبة