السلام عليكم والرحمة
شحالكم ؟
فديتكم بغيت استفسر عشان ولدي مب عارفة شو أسويله من اكلات حق الغدا والعشا و الريووق
انتو شو تعطون عيالكم يا ليت كل وحده اتقولي عسب اخذ من افكارها شوي واعطي ولدي لانه مل من الاكل اللي اسويله اياه ..
بالنسبه للريوق انا اريق ولدي الساعه ست ويا ابوه كورن فلكس
وعقب على طول يرقد ويقوم على الثمانيه اعطيع لبنه او زيت زعتر او بيض مسلوق او اومليت او مسلوق مع شويت بطاطا مسلوقه واو لروب او كب كيك خفيف مع عصير وعقب نص ساعه اعطيه فروت
ممكن تعطي اسناك خياره بسكوته خبزه او قطعه سمون يتسلى عليها
على الغدا اعطيه من اكل البت عيش دياي او لحم معكرونه مع خضار ونص حبه طماطم
على العشى اعطيه عصيده او روب او حمص او فول
يعني عادي اعطيه من اكل البيت
بس اذا بتبدين تعطيه من البيت اول مره اعطيه كميات قليله لانه ما بيكون متعود على الدكهون والملح والبهارات
يلسيه جنبك يوم تاكلين و كلي انتي لقمة وعطيه لقمة ..
انا هذي طريقتي مع العيال من عقب 9 شهور .. ابدأ معاهم مثلا بلقمة روب صغيرة وعقب شوية جبن ولبنة و حتى زيتون يعني امسك طرف الزيتون واخليه يحاول يتذوق ^^ هذا بالنسبة للفطور ..
الغدا والعشا نفس الشي اعطيهم من صحني واغلب طعامنا بشكل عام فيه ارز والارز ممتاز للصغارية .. وحتى الصالونة لو ما كانت حارة ممكن تعطيه ..
بس شوي شوي مو من باجر تعطيه اول شي صالونة خخخخخخخخخخخخ
مع الايام بيتعلم ^^
نسيت اقلج
لا تكثري من الدهون والزيونت في اكله
واذا ما كان عنده اسنان يقدر يمضغ اللحموم حطيهم في الخلاط شوي مع العيش او الخضار بس لا تهرسيهم وايد
أه الاكــــل معاناه مع بنتـــــــي … تموت بالاكل الغير مفيـد : شبس وشوكلت
ومرات ملعقه او ملعقتين وبس ماتاكل
لو عطيتها خيار طماط فروت نتفه وترفض تكمــلها … تعبت معاها
الاندومــي غرامها , واللحم والدياي بـس جي بروحه
انتي جربي هالاكلات:
معكرونه بصوص ابيض واحمر
عيش مصري مع خضار شرات الشوربه
,,, الخ اكل البيــت
والله يعينا الي تعرف طريقة افتح شهية بنتي تقولي