هلا خواتي شحالكم
فديتكم بغيت استفسر منكم عن سكر الحمل أنا أول مرة يستويلي وحشا أصلا الجلكوز روحه شكر وين مابيرتفع..وحولوني عيادة السكري وسالفه وعفسه عاد الموعد بعده ع الأسبوع اليائ بس خايفه والله..
وبعدد بأستفسر منكم أنا أول مرة ولدت بعمليه وعقب طبيعي مرتين وآخر واحد بعمليه وكانوا مخبريني بأني خلاص ماأقدر أولد طبيعي وكله عمليات اللحين يعني أكيد عمليه وماشئ مجال طبيعي صح وألا شو رأيكم أنا موكله آمري لربي واقول عادي شو ماالله كاتبلي لكن ريلي وأهلي يحتشروا علي بأن لا مو عمليه طبيعي أكيد
بس تخيلوا ريلي يقول خلاص سوي ربط صدمني شو هالرمسه قال بسج وايد تتعبين فهل عادي إذا طلبت يسون لي ربط بيرضوا وألا انه له سن معين عشان الوحده تقدر تربط..أنا فبداية آل30 اللحين ؤعندي وحدة من ربيعاتي نفس الشي حامل وياي اللحين بينا أسابيع بس وأول مرة عملية وعقب يابت 4 طبيعي وآخر واحد عملية واللحين قايلين لها عمليه بعد بس بعد مأتعرف إذا عملية وألا..
انا نفس حالتج اول ولادة قيصرية بعدين ٢طبيعي واخر ولد قيصري وسالت اكثر من دكتورة كلهم قالولي انه ١٠٠٪ بتكون الولادة قيصرية في حال حملت بعد لانهم يخافون على الرحم ينفجر من التقلصات وخاصة انه مقصوص مرتين فما يجازفون بمحاولة الولادة الطبيعية
وبخصوص الربط اذا شافت الدكتورة انه وضعج لازم ربط بتربطلج اما لو كل شي اوكي مابتربط فيعتمد على الحالة وعلى وضعج بس لو ماكان في داعي للربط مابيوافقون خاصة انه عمرج مش كبير
للرفع وان شاء الله الاخوات مايقصرن
للرفع الله يسهلها عليج اختي و تربين طبيعي و تشوفين ضناج و تفرحين فيه ان شاء الله
الله يسهل عليج اختي وتربين طبيعي
في مجال اتربين طبيعي بس اهني الدكاتره ما اعرف كيف
في حريم وايدات ايربن عقب عمليتين ورى بعض طبيعي او اكثر ويسمونه VBAC , VBA2C
vaginal birth after c section
ونسبة ان تنفتح العملية السابقه اقل من 1%
طبعا انا سويت بحث بالمواقع الطبيه الاجنبية