السلام عليكم ورحمة الله وبركاته بنات فديتكن مابطول عليكن انا أختي بتسوي عملية أطفال الأنابيب اللي عندها خبره محتاجه تقولي إذا العمليه تنجح من أول مره ولا لأ?و
وإذا العمليه مؤلمه للمرأه من حيث سحب البويضات?? اللي عندها خبره تفيدني ويزاها الله ألف خير والله يرزق كل محرومه ولا تنسون اختي من دعائكم…
عليكم السلام اختي
الغلا انا سويتها العملية ماتخوف عادية اول شيء بيعطونها ابر عشان تكبر البويضات وتزيد عددها بعدين يوم سحب البويضات يسوون بنج كامل يعني ماتحس بأي شيء عقب ماتقوم تكون آلام اشوي يعني مثل المغص وآلام دورة بس اتعدي ع خير بعدين يعطونها يومين راحة بعدين يرجعون الاجنة بس بدون بنج يعني واعية اتشوف كل شيء بس مافي الم وخل تتوكل على الله اهم شيء الرااااااااااااااااااااحة عقب العملية الراحة انا سويتها بس الحمدلله ع كل حال مانجحت واتخلي ايمانها بالله قوي اهم شيء ماتفكر وترتاح وتستغفر والله يوفق اختج وانشالله تحمل يارب ويرزق كل محرومة من الحمل يارب
الغاليه خليها تسير عند دكتوره حسنيه في الشارجه هي تخصصها تلقبح وأنابيب
وهي بتشرح لها كل شيء. أنا بشوف هالشهر إذا الله ماكتب لي أحمل بسير عندها.
تسلمن فديتكن ع ردودكن والله يرزق كل محرومه يأااااارب بس ع فكره هي عدت مرحلة الابر مالت البويضات بس واااايد خايفه من السحب..هي مسويه فالشارجه عدال مركز الفردان بس ما يحضرني اسم المستشفى