أشعة الصبغة

السلام عليكم
اشحالكم بنات؟

ماعندي فكره إن شاء الله البنات ايساعدونج للرفع

تسلمي ع الرد
عالأقل رديتي غيرج دش من غير رد!

مرحبا الغاليه اشعه الصبغه هي عباره عن فحص لقنوات فالوب إذا مفتوحه وسليمه وعادة تسويها الدكتوره بإنها دخل سائل وتراقب دخوله بالاشعه من البطن وتقدري تسويها بس قبل التبويض وغالبا يكون اليوم 9 او 10 من الدوره وبعدها بتحسين مثل ويع الدوره شويه وخلاص بس اهم شي ماتكوني متوتره ومنرفزه حزة الاشعه عشان الانابيب ما تنكمش على الدكتوره وتبن عليها انها مسدوده وهي لا مسدوده ولا شي

الله ييسر امورج ويرزقج الذريه الصالحه يارب

مشكورة أختي ع ردج

وين أفضل مكااااااان لعمل الأشعة في الشااااااااااارجة

الغاليه سيري للدكتوره اوراس ف بناية الخليج الاول الدور الاول مجابل مركز الذهب ف الشارجه
وقولي لها ابغي اسوي اشعة الصبغه
وهيه بتحولج لمختبر امج بعد ف الشارجه
بس اختي اذا تبين الصدق ومن دون ما اخوفج
قسم بالله شفت الموووووووووووت بعيني
وااااااااااااااااايد تعبتني
وتكلفتها كانت تقريبا 500 درهم
بس ما اذكر باي وقت تحديدا سويتها
اعتقد بعد ما خلصت الدوره بيوم
احتمال مش اكيد
بس انت لما بتسيرين للدكتوره هيه بتخبرج متى الوقت اللازم عشان اتسوينها
وهيه تتسوى عشان اتشوفين قناة فالوب مفتوحه عندج والا منسده
من الجانبين الايمن والايسر
واذا منسده لاسمح الله فمعناته ان السائل المنوي ما يوصل لها وهو مسبب تأخير الحمل
والاشعه عباره عن سائل ادخله الدكتوره عشان تفتح القنوات
بس والله تسبب ألم فظيع
ما ادري يمكن يختلف من وحده للثانيه الله اعلم
بس انا طلبت بنج قبل العمليه
عطتني ابره بس والله ما سوت بي شي
يعني ما خدرتني ابد
فحسيت بكل شي يستوي بي
والعمليه مدتها 10 دقايق بس
وتطلع النتيجه يعني اتخبرج اذا مفتوحه والا منسده
والله يرزقج بالذريه الصالحه السالمه الشافيه عاجل غير آجل يا رب