بسم الله الرحمن الرحيم
بنات لو تذكرون موضوعي اللي كنت ابا اسافر اكمل دراستي وريلي طبعا كان راقض الفكره من اساسها
الحمدلله يا بنات انه وافق من عمره واقتنع اني اكمل ماستر في لندن
اشكر ربي اول شي ..والبنات اللي ساعدوني
طبعا المنحه طارت مني ..فديته فاجئني من عمره وحجز لي انا وياه وبسافر ان شاء الله اخر الشهر بقدم اوراقي هناك
طبعا هاي كانت هديه البيبي لاني بشرته الشهر اللي طاف اني حامل ..هو كان يتريا الخبر من 8 شهور
الحمدلله ربي رزقني ..
وريلي كافئني انه بيدرسني على حسابه لان المنحه طارت…مشكوووورات خواتي ما قصرتوا معاي
وياربي يحقق لكل وحده اللي بخاطرها
عندي سؤال بسيط في خطر على البيبي من ضغط الطياره؟؟لان ريلي يقولي اخته مره سافرت والمشيمه عندها انقلبت ..الخوات اللي عندهن عيال ممكن تساعدوني
مبررررررررررروك
والله فرحت لج
بس للاسف يأثر ع بيبي .. لازم تكملين ع الاقل 3 شهووور .. لانه لندن مكن 6 او 7 ساعات ونتي يالسة وووايد يأثر ع بيبي وفي عوض بالله اجهاض يستوووي ..
تريي بعد 3 شهور سافري او السنة الياي … ويا البيبي .. وكل تأخيره فيها خيرة ..
والله فرحت لج بس حرام البيبي يستوي بة شيء ..
ونصيحة سيري عند دكتورة
انا حرمت خالي كانت بتسافر خارج بلاد : بس الدكتورة نصحتها بعد 3 شهوور
الله يسهل امورج يارب
يااااااااي الحمد لله..ماشالله النك مالج طموووحة و أنتي وحده طموووحه..أنا اللي أعفه الوحده عقب ما تعرس تنسى شي اسمه دراسه بس الحمدلله إنتي غيييير و أحييج صرااحه..
و عن سالفه الحمل انا والله ماعرف بس إذا قالولج في خطر اتريي 3 شهور و عقب سافري..
صح ماا سألتج؟؟ شو ناوية تكملي ماستر شو ماشالله؟؟
مبروووك اختي
وعقبال الشهادة
اختي هي في خطر على البيبي في الشهور ال3 الأولى..
والله يوفقج ويخليلج ريلج ان شاء الله..
تبغين الصراحه,, أنا سافرت و ماكملت شهر من حملي ورجعت في ثاني شهر من حملي .. والحمدلله ماصار شي لا لي ولا لجنيني ,,, توكلي على الله وسافري،،
مبروووووووووك حبيبتي
والله يوفقج ان شاءالله
^^
انا متخرجه طب اسنان
وان شاء الله بكمل ماستر في نفس تخصصي
في جامعه Queen Mary, University of London
ادعولي بنات
انا بسير الدكتوره وبشوف ..لان وربيعتي قالت لي يستوي تاخذين ابره تثبيت الحمل