بسم الله الرحمن الرحيم
أسعد الله أوقاتكم جميعآ بكـــل خير ومسره
في موضوع اعجبني في احدى المنتديات العربية وحبيت اني اطرح الفكرة عليكم
وهو تجاربكم في بناء او تأثيث منزل العمر
هل واجهتكم صعوبة في البناء؟
وما هى الاخطاء اللي وقعتوا فيها وتنصحون الناس بعدم الوقوع فيها ؟
ليتفاداها كل من هو مقبل على بناء منزل العمر,,,
انا راح ابداء واطرح عليكم تجربتي بما اننا نبني بيتنا ,,
نحنا مشاء الله ارضنا كبيره 300 في 250 وفي منطقة راقيه في دبي
في سنة 2024 اخترنا مهندس معماري وهو صمم لنا الفيلا بأحتياجاتنا الخاصه يعني تقريبا 4 او 5 مرات يانا وغيرنا في المخطط وايد وتقريبا اشتغل ع التصميم ماعرف كم شهر .. بس وقتها ما بنينا لان البنيان كان ضوو
اترينا لين 2024 والله وفقنا بمقاول زين عليه بس الشغل ونحنا ناخذ السامان .. مساحة البنيان تقريبا 12 الف قدم
بس واجهتنا بعض المشاكل في التصميم ,, سبحان الله احيانا تكون في وقت مقتنع في اشياء معينه ومع مرور الوقت تحس انها مالها فايده .. بعد الشغل في البناء اكتشفنا ان الصاله صغييييييييره وايد بس اضطرينا اننا نكبرها لان في مساحه ورا وقبل تكبير الصاله كان فيه حمامين المفروض تكون دريشتهم برع صوب المكان اللي تسكر واضيف للصاله بس ع قولة المقاول ان عادي ويقدر يسوي لهم تمديدات تسحب الهوا لبرع..
وبعد من الاخطاء كثرت الدرايش في الغرف يعني الغرف مساحتهم زينه مب كبيره وايد فالمهندس مسوي في جهه وحده 3 درايش صغار وفي الجهه المقابله دريشتين صغار .. بعد الاستشاره شفنا ان مالهم لزمه واكتفيها بدريشه وحده وتكون كبييره بدل 3 درايش صغار..
وبعد الدري طلع صغير يعني بحدود 130 سانتي متر بس ما قدرنا نكبره لانه حوالينه كلها خرسانات اسمنتيه مع الوقت اقتنعنا فيه ..
الحين خلصنا من الصبات ووضع الطابوق والحمد لله ونمشي شوي شوي وبتمهل ..
الاحظ في ناس ما يفكرون يسون مخزن داخل البيت .. انا اشوف هالشي وايد مهم ان يكون عندج غرفه تحطين فيها الاغراض اللي ما تستخدمينها دوم مثل شنط السفر و الصحون والحرارات الغالية ..
وبعد نصيحه اللي بيسوي مخزن في الملحق الخارجي يسوي بابه داخل المطبخ .. لان نحنا في بيتنا الحالي المخزن بابه برع ولازم كل يوم يتنظف من الغبار وبيني وبينكم كم مره القى بلاوي في بالدي العيش والسكر …علشان جذيه في البيت اليديد سوينا بابه داخل المطبخ الخارجي …
هذا اللي عندي حالياً
واتمنى ان اجد التفاعل بخبراتكم وتجاربكم
ياليت يفيدونا الاخوات
نحن تونا بادين بنيان وان شاءالله تتيسر الامور
ان شاء الله بتتسير الامور
والله يا اختي يوم تمشين في البناء شوي شوي الله يسهلها وييسرها
غلطة ريلي سوا ملحق مب وايد بعيد عن الفللا
لكن
انا وحدة هيزة ما احب اتفرفر برع في الحر لين ادخل الملحق
يتمصخر عليي يقولي بسويلج خرطوم مكيف شرات مال الطيارة خخخخخ
بس يله ماشي الحال
صح الملحق لازم يكون شوي بعيد عن الفله ومايكون لاصق فيه علشان روايح الطبخ والسمج وجي
نحنا مشكلتنا يحبون يشون السمج برع ع الفحم والريحه كلها تدخل البيت
السيراميك الارضيات مرقعه من كل اللون وحمام صغير ماله تهويه الدرايش الفيلا من الخارج مش متناسقات شكلهن غلط