السلام عليكم و الرحمه
أخباركم؟
الاسبوع الياي عرس اختيه.. الله يتمم لها على خير امين.. و بكون انا اخر بنت فالبيت .. عندي اخوان مش معرسين.. بس من ناحية اخر بنت مش معرسه.. انا تمّيت 
حبّيت اسألكم… من الي تمّت اخر بنت فالبيت.. ويا امها..
شو الي تغير؟ كيف حسّيتي؟ اكيد بتزيد مسؤوليّات؟
طبعا بفتقد اختي وايد.. لاني وايد متعلقه فيها.. و طبعا هيه الاصغر..
ما افكر بالعرس.. فعادي يعني.. لا تعلقون من مبدأ اني احاتي نصيبي..
ولكن.. اتكلّم عن تجربة خضتوها بأنكم تكونون اخر حد في البيت مع امج.. اخر عنقود العرايس هههههههه
انتظر تجاربكم او فضفضتكم أو … تعليقاتكم 
انا ما جربتها لانى من يومى وانا البنت الوحيده لثلاث اخوان
وامى كانت وايد متعلقه فينى لا تطلع ولا تدخل بدونى
الله يتمم لها بخير يارب وعقبالك ياقمر
الله يرزقج الزوج الصاالح ويتمم على ختج بالسعااده عنووني ^^
الله يهنيها ويسعدها يااارب
بالنسبه لسؤالج ما عارف لاني انا عرست وكانت عندي اخت اصغر عني ما عرست
الله يوفقها و يتمم لها على خير
و انتي بعد الله يرزقج بالزززوج الصالح بعد و يسعدج يارب
انا نفس حالتج بس الحينا بعرس شهر ٧ ان شالله ، مايتغير شي اللهم ان امج تعتمد عليج ف الاشيا اللي قبل كانت تعتمد فيها ع خواتج مثلا تشاورج اذا حد بييكم او تطلب منج تكتبين النااقص او تطلب منج تسيرين تتسوقين ويااها او تقترحين عليها اكلات في حال لو بييكم حد سوا ربيعاتها او اهلكم او قرايب و ضيوووف .. وبتحسينها تشاورج اذا بتغيرون اثاث او شي جي
بتحسين انج صرتي تشاركين امج بعض المسوووليات في غيااب خواتج انا شرحت لج حسب وضعنا
وبعدين ماحس ان وايد تغيرات تستوي لان طبعاً خواتج بيتمن ع تواصل مب انهن خلاص بيسيرن وما عد بتشوفونهن
انا عقب عرس اختي الكبيره حسيت انه امايه وايد تقربت مني ستوينا نرمس ونتشاور مع بعض اكثر عن قبل ^^