أخت ربيعتي المتوفيه

بنات ربيعتي عندها مشكله عويصه مثل ما يقولون

اختها كانت صاحبت جمعيات وتوفت بحادث سياره

الله يرحمها ويغفر لها يا رب

ربيعتي تقول انها تحلم اختها وتوصيها بولدها وبنتها وتشوفها مضايجه بالحلم وبعد ما فسرت الحلم عرفت انها مسويه جمعيات وما عطت لاصحاب الجمعيه حقوقهم لانها توفت وما لحقت تسوي شي

ربيعتي حاولت انها تسدد ديون اختها بس للأسف ما قدرت لانها ما تشتغل وهي صغيره فالسن بعدها ما كملت الـ 20 سنه بس هالموضوع وايد هامنها والي مضايج فيها ان صاحبات الجمعيات يتصلون فيها ويهددوها بالشرطه اذا ما دفعت لهم هي تقول لهم انا بدفع عن اختي بس اصبروا علي وقالت لهم اذا بسيرون الشرطه سيروا لان مب انا الي ماخذه فلوسكم بس هي قاعده تسوي هالشي علشان اختها ما تتعذب في قبرها بس الناس مب راضيه تفهم ان هالبنت صغيره يالله يالله تدبر عمرها كيف بدبر لكل وحده مبلغ بالألاف…

كملت زوج اختها بس ما رضى قال ما يخصني هو ما صدق اول ما ماتت زوجته بعد ما كملت 3 شهور قال بخطب بصراحه ما الومه بس بعد في شي اسمه احترام

ما عندها حد يشتغل لان كلهم صغار واخوها الي عمره 19 توه اشتغل ويا دوب راتبه يكفيه علشان يدفع ديون اخته المتوفاه

حاولت اساعدها قد ما اقدر بس ما عرفت شسوي غير هالشي
بنات عطوني ارائكم شو لازم تسوي علشان ترتاح من صاحبات الجمعيات

لانها لا تاكل ولا تشرب وويها ذبلان من التفكير
والله تكسر الخاطر

شوي من عندههم و شوي من عنده لين يسددون دين اختهم

ولو حاولو بشتى الطرق معاه وتزطط على حرمته وهي فقبرها و محتايه لوقفته ..

شوري ع ربيعتج تقترح على اخوها ان ياخذ سلفيه والا قرض من البنك .. ع قد المبلغ المطلوب مايزيد عليه .. و يسدد ديون اخته .. و يفتك من حقوق الناس و ذلهم ..

او يوكلون شخص فاهم فـ سوالف الجمعيات و هالامور . يمشي امور الناس مثل ما اختهم الله يرحمها كانت
امشيه هالامور .. لين يسددون اللي ع اختهم و عقب هالشي خلاص يسكرون الجمعيه ..

او حتى يكلمون خالاتهم او عماتهم .. او اي حد قريب منهم . يوقف وياهم فـ هالمصيبه و يتعاونون و ايمعون
المبلغ المطلوب .. مهما يكون هذيل اهلهم و ماظن يبخلون عليهم ..

يمكن يكون الموقف صعب عليهم و بيحسون بـ احراج . بس هذا دين وحده متوفية .. ولازم يوفونه

واختها هي كانت صاحبت الجمعيه وهي ما استلمت لانها قالت بتستلم اخر وحده

وربيعتي ما تعرف منو الي استلم علشان تروح وتطالب انهم يرجعون المبلغ