السلام عليكم ورحمة الله وبركاته
هلا حبايبي
فديتكن بغيت طريقه اغسل ملابس بنتي وما تملح
انا استخدم صابون نونو من ماركة بيقوون
اول ما تلبسة البدله بنتي ماااشي احلى منها وخااصه الوانها روياانه
ومن تنغسل اول غسله احس والله هنا جنها ملبووسه كمن مره
وع فكرة اخذ ماركات مب من الرخيص الللي يملح بسرعه
بس ما اعرف شو السالفه 
بليييز هلب مي
عزيزتي خففي حرارة الغسالة اذا تغسلينهم فيها لأنه الحرارة العالية تسبب بهتان الألوان وكذلك انتبهي لكل قطعة طريقة غسل موجودة فيها وحاولي لا تزيدي الحرارة عن 40 درجة .. الملابس لا تحتاج أكثر من ذلك .. ولا تخلطيها مع ملابس اخرى بألوان مختلفة.
احس لو الملابس غالية
غسليها باليد احسن ..
وفيه دراي كلين هذي بالمصبغة
وفيه بالماي البارد وفيه ماتستعملين بعض أنواع الصابون وهكذا ومرات نوعية الغسالة يعني أمور اكثيرة حطيها ببالج
وعادي سئلى المحلات كل ماشريتي منهم
وبعد الماي والله يعينج
حتى انا اعاني من هالمشكله
هلا حبيبتي
والله آنة قبل كنت أعطي الخادمة تغسل الثياب على يدها
بس عقب مثل ماقلتي تتغير لونها ولا أزيدج من الشعر
الرقبة تصير اشوسعها لانة الخادامات يدهم ثقيلة
فقلت ليش آنة أعور قلبي
ثياب اليهال مايلبسونها إلا ساعتين أو بالكثير 3 ساعات
أقوم آخذ فرشاة أسنان ما أبيها ومع صابونة عادية مالت غسال اليد
وأقوم أفرك بالفرشاة مكان اللي متلعوز
وعقب أنقعع الثياب في ماي وصابون السائل مال العبايات لأن خفيف
وعقب ساعة أشيلهم
وماشاء الله الحين ثياب ولدي واااااااااااايد أحسن من قبل
وافتكيت
ومنكن نستفيييد