السلام عليكم ورحمة الله وبركاته
شخباركم ياحلوين ؟
حبيت ابشركم انه الحمدلله قبلوني فالمجلس وطرشووا لى مسج با استكمال الاجرأت وانا ماعرف شي مووووول
حبيت اعرف من راعيات الخبره او المدرسات شو الاوراق المطلوبه وشو يبون من اوراق
يعني يبون حسن سيره وسلوك ولا..؟؟
يبون فحص طبي ولا ؟
يبون ورقة من دوام الريال توضح راتبه للمتزوجه ولا لا؟؟
يعنى هالامور ابااااا اعرف بالتفصيل الى مدرسه اتفيدنا
وجزاكم الله خيرررررر
مشكوره يا الغاليه ..
و أنا بعد أبا أعرف هالأجراءات
ياليت حد يخبرنا
طيوفه …..
مبروووووك 
بالتوفيق الغالية
مبروك اختي انتي خريجة التربية
مبرووووووووووووووك
الله يسر اموركم
هلا الغاليه مري المنطقة وبيعطونج ورقة فيها المطلوب
كل الاشياء اللي ذكرتيها مطلوبه وعقد الزواج وصور من اوراقج الثبوتيه
أنا عد وصلني المسج يوم الخميس
الحمدلله رب العالمين
واليوم سرت منطقة بوظبي .. طبعا قبل لا أروح دقيت عليهم
وقالوا أيب وياي صورة من جوازي + صورة من شهادة ميلادي + صورتين شخصيتين
ورحت .. طلعت لي ورقة للفحص الطبي + ورقة للبصمة في القيادة العامة لشرطة بوظبي اروح اسويها
ومن تظهر نتيجة الفحص الطبي والبصمة اروح لهم فالمنطقة بالاضافة أشل وياي المصدقة الاصلية وصورة
الجواز الاصلي وصورة الخلاصة وصورة صورة عقد الزواج للمتزوجات وورقة لمن يهمه الامر من البنك فيها رقم
الحساب .. امممم شوه بعد هيه وورقة من دوام الزوج (لمن يهمه الامر) هذا اللي اتذكره 
والله ايسر