، رحلتي إلى شهر 3 ,

سامحوني اذا كانت الصور مش بالمستوى ..
لاني فضلت اصور بكاميرا ديجيتل وما اثقل على عمري بكاميرا عوده

اول صورة عقب ما انطلقنـا ونحن في الجو ..

وصلنا بالسلامـه لعاصمة ماليزيا ( كوالالمبور ) وتمينا فيها ليله ..
صورة للتون تور .. ماسرناه طبعا .. وقالولي سرتي ع الفاضي لانج ماسرتي للتون تور

ارتحنا في كوالالمبور ليله .. وبعدها انطلقنا لـ ( لنكـاوي ) .. وتمينا فيها 5 ليالي ..

صورة من نافذة استراحه الفنـدق ..

لنكـاوي معناها صقور الحجر .. او بما معنـآه ماتحضرني ذاكرتي ..
لكن الريال اللي كان ويانا في القارب خبرنا بمعنا لنكاوي ولها خص في النسور اللي تحلق في سماء لنكاوي باستمرار ..

احلى مافي ماليزيا خضرتها .. واسوأ مافيها حرارة جوها ..

لازلنا في لنكاوي .. اليوم الثاني قلنا بنستكشف المكان ..
وبنحوط حواليين الفندق ..
هذا الفندق اللي سكنـا فيه من بعيد

تابع ..

المكـان روعه وفعلاً يستحق الزيـاره ..

اليوم اللي عقبـه .. رحنا التليفريك ..

لقطـه من السمـاء ..

اليوم اللي عقبه انطلقنا لمنطقة بيننق ..

الفيو المطل على غرفتنـا

ارتحنا هاليوم .. لان التنقلات صعبه وآيـد .. ومتعبه .. واليوم اللي عقبـه ..
زرنـا مزرعـة الفراشات .. يخوفوون
في هاليوم صار لي موقف لا احسد عليه ..
وقفت فراشه ع ايدي وانا اصور .. من الزيغه جان افر الكيمرا ع الارض ..
من القفطـه ريلي سوا عمره مايعرفني لان الخلق كلهم صدوا صوبي ..

انتقلنـا عقبها لمنطقة ( جنتك ) يقولون انها من احلى مناطق ماليزيا ..
ولانها فوق اليبـل فكـان برررررد من الخآطـر ..
بس مذلـه ف الفندق .. ><" تمينـا حوالي الساعتين بس عشان نسوي جيك ان لان زحمـة ع الفندق ..

هالصورة من الطيـارة قبل لا ننزل بشوي ..

وطبعـاً كان حيلي منهد وحرآآنـه .. فمـا تفيجت اصور في الجاينا تاون ..
بس هاي صورة من غرفـه الفندق في الليل .. وسـآمحونـي ع الصورة العفن ..
بس مثل ماقلتلكم هي كيمـرا ديجيتل عادية .. ماشليت معاي الثانية ..

اتمنى انكم تكونون استانستوا معـآي برحلتـي ..
وانـي كنت خفيفـة ظل عليكم ..