والله العظيم بهدلها بالطبوب والله دمر حياتها

خواتي ..

قبل كل شي .. لا تجرحون بالكلام .. ولا تجذبوني .. ولا تستهزؤن بكلامي .. رجاااءً

واللي في خاطرها شي تخليه في قلبها ..

السالفه ومافيها ..

هاي ربيعتيه .. كانت من زمان تحب واحد من أهلها وهو يحبها .. أنا ما بقولكم حلوه وبس .. جمالها

مش طبيعي وأخلاقها ما عليها كلام .. وتدخل على القلب بسرعه ..

المهم .. خطبها مليون مره لاكن المكتوب أنه ما ياخذها .. لين يا واحد من بعيد شوي .. وخطبها

وعرست بسرعه ..

مرت الايام والشهور والسنين لين كملوا تقريباً 11 سنه ..

بس تعرفون .. طوووووووول 11 سنه .. ما خلاها في حالها ..

24 ساعه عند بيتها – يتصلها يومياً – ما خلا سااحر ماسارله عشان الطبوب – يطرشلها مسجات

يهددها – وفوق كل هاذا خطب ختها ويوزوه .. وعاد ما يحتاي اخبركن عن حياة ختها عنده

والكلااااام وااايد .. واللي سواه واااايد .. بس ما يحتاي ازيد في الكلام لأنه ما بفيدها ألحين

غير دعاء منكن أن الله يصلح حالها هي وريلها ..

لأنهم كارهين بعض .. كره مش طبيعي .. وأنا أخاف يطلقون .. لأن مش هاينين عليه لا هم ولا عيالهم

اللي مالهم ذنب ..

صح نسيت اقول ان ريلها يموت فيها يحبها الله لا يفرق بينهم يارب ..

دخيلكن خواتيه دخييييييييييلكن تدعون لهم أن الله يبعده عنهم ولا يفرق بينهم ..

والله العظيم بهدلها بالطبوب والله دمر حياتها ..

وأنا ما أقول غير حسبي الله ونعم الوكيل .. حسبي الله ونعم الوكيل .. حسبي الله ونعم الوكيل . فيه ..

بس لو ترومون تتواصلون ويا مطوع واسألوه خليها تشغل سوره البقره في بيتها