هلا بنات …
حبيت اليوم أقولكم رأيي في مكياج الخبيرات المواطنات…
بصراحة أنا عندي ثقة كبيرة فيهم وأستغرب من بعض البنات اللي يقولن بإن مكياجهن دفش ومب حلو، وثقيل وغيره وغيره وغيره…
أحس حرام الوحدة تحكم على كــــــــــــــــــــــــــــ الخبيرات ــــــــــــــــــــــــــــــــل من تجربة مع وحدة….
مع إنه الوحدة ممكن تتمكيج عند وحدة لبنانية وتحطلها مكياج مب حلو أبدا وما تكون راضية عنه… لكنها ما تعمم حكمها على كل اللبنانيات…
ليــــــــــــــــــــــــــــــــــــــــــــــــ ــــــش ؟؟؟؟
وفي المقابل مواطنة وحدة تخرب على كل المواطنات…
أنا بصراحة أتعامل عند وحدة مواطنة… ارتحتلها وعجبني شغلها لدرجة إني صرت أثق فيها ثقة عمياء… أسلمها ويهي بدون نقاش وأخليها تسويلي اللي يناسب ويهي.. وبعد ما تخلص عن جد يا بنات """أنبهر بشكلي""""
وماشاء الله عليها خبرتها أشوفها في كل خطواتها اللي تتبعها..
بداية بتهيئة البشرة للمكياج.. وبعده البيس والفاونديشن "على حسب اللي يناسب بشرتي" وانتهاءً بمكياج العيون، اللي تجيده ببراعة من حيث رسم خطوط الآيلاينر،، والابتكار في الرسم في كل مرة…
تخيلوا هذا كله تسويه مواطنة،،، وبعدين أستغرب من البنات اللي يقولون مستحيل نتمكيج عند مواطنات … ليش؟؟؟
هذي مواطنة … وبالرغم من ذلك باستطاعتها تسوي مكياج ثقيل أو ناعم أو حتى خفيف… يعني الخفيف مش بس حكر على اللبنانيات…
هذا رأيي يابنات … وأتمنى تتفاعلون معاي… وتساعدوني عشان نقدر نغير المفهوم الخطأ عن بنات البلاد الغاليات….
أترياكم…
بل العكس انا مب ضدد المواطنات ولا البنانيات بس انا اشوف الي تقول مستحيل اسوي عند مواطنه يمكن جربت وحده او ثنتين وماعجبها على شان جي تقول مستحيل مع انه في موطانت شغلهم وايد حلو رواقي وبعد وايد لبننيات شغلهم حلو ومرتب بس بعد مب كلهم انا بل النسبه لي انا احب اجرب وبعد احب اتعامل ويا الانسانه الي تكون مريحه بشغلها يعني اني انا ارتاح لها واهم شي ماتكون خقاقه وهذا اهم شي واتمنى التوفيق للجميع سواء موطنات او مب موطنات اهم شي انهم بنات عربيات مسلمات
انزين ما خبرتينا منو اللي تثقين ابها ؟؟؟؟؟؟؟!!!!
و انا عن نفسي استانس على مكياج المواطنات بالعكس
تحسين اربيعتج و لا اختج بدون مبالغة
اما بعض الوافدات هم اللي يعاملونج بتكبر جنه ما عندنا ذوق
هي والله صدقج
انا لحد الحين ما جربت مكياج مواطنات ^_^
لاني بروحي اعرف احطي شرات اللبنانيات واحلى بعد لووووول
اتمنى لج التوفيييق… وانا وياج… طبعا..
بس مب كل البنات نفس الراي.. بس الاغلبية ماخذين الفكرة عنا, وانا كمن وحدة مكيجتني وبعد من المشهورات , ولوعة وبايخ والخ الخ.. بس مب معناته ان هي مب لين اهناك مع ان المكياج نظيف 100%… وحتى نحن الموطنات نفس الشي.. عطونا فرصة حتى نثبت انفسنا… ارجو من البنات تفهم الموضوووع… وبالكلمة الطيبة تنحل الامور..
الكلمة الطيبة تنحل الامور .. اذا ما عيبج خبريها وانصحيها بالكلمة الطيبة مب بالضرابة و الفتين…لانه معظم البنات يزعلن ويفاتنن… انا قلت معظم مب كل البنات….
يجب مراعاة الموقف والنصيحة والكلمة الطيبة تنحل الامور…
انزييين.. اذا عكسنا الموضوع* اذا كانت ماكيرة قليلة الادب ومن النوع اللي تلقلق و تفاتن وتضارب فــيا ترى هل نعطيها فرصة ولا لا؟؟.. طبعا هذا موضوع ثاني….
…ممممم وبس!!! وان شاء الله نكون عند حسن ظنكم يااا حلوااات..