السلام عليكم و رحمة الله و بركاته
خواتي ابغي اعرف طريقة عمل الخبز الرقيق الي يتكسر و يتقرمش الي يقدمونه لنا أول ما ندخل مطعم القيصر أو مطعم حاتم
و أبغي بعد الله لا هانكم طريقة الصوص الي يقدمونه لنا معاه ( الي أحيانا يحطون حذاله الأجااار )
احيانا هذا الصوص يكون لونه اخضر و احيانا برتقالي غامج
اتريا ردكم خواتي الطباخات
و يزااااااااااكم الله خير مقدمًا
و يا ريت الي تعرف شو اسم الخبز هذا تحط لي اسمه و اسم الصوص بعد
بارك الله فيكم
اسم الخبز باباد
ماله طريقة دورت بالمواقع الهنديةكلها
اخر شي اشتريت جاهز((( صوب اغراض الهنود في المنامة واللولو))
طريقته؟؟سخني التاوة بدون زيت وحطي الخبزة ليما تظهر الفقاقيع كلها وارفعيها وبتصير يابسة
اما الصوص اسمه جتني
البرتقالي……….روب وخل ومل واجار همبا او لومي
الأخضر………. روب وخل وملح ولومي ونعناع بالخلااااااااااااط واذا حابة يكون سباسي؟؟ ضيفي معاه فلفل اخضر حار
عواااااااافي
up
up
اب اب اب اب اب
مشكووووووورة اختي
يزااااج الله خير
بس بالنسبة لمقادير الخل و الملح و الليمون و هذي الشغلات كم ملعقه ؟؟
و يزاااااااج الله خير
عاد اسمحيلي انا ما اعرف في الطباااخ وااايد هههههه و ما اقدر اقدر بنفسي الكميه
البرتقالي……….4ملاعق روب
ونص ملعقة خل
ورشتين ملح
واجار همبا او لومي حسب درجة الحرورة اللي تبينها يعني اما نص او ملعقة
الأخضـــــــــر..
5ملاعق روب
نص ملعقة خل
رشتين ملح
نص لومي
مقدار كف اليد نعناع بالخلااااااااااااط واذا حابة يكون سبايسي؟؟ ضيفي معاه واحد فلفل اخضر حار
مشكوووره اختي ما تقصرين
بارك الله فيج