السلام عليكم ورحمة الله وبركاته
انا ادرس فالكليه وطبيعي يكون لكل شخص صديق يضيع وقته ويااه او يسااعده في بعض الاوقات ولا ما بيكون صديق
ربيعتي أستغفر الله ما أدري كيف أوصفهاا .. لو اقول انسانه انانيه شوي في حقها .. لو اقول انه خساره فيها كلمة ربيعه بعد شوي في حقهـا … كرهتني فيهاا والله من عرفتهاا وأنا احس نفسي مبتعده عن الكل وفي نفس الوقت احس اني غلطت من البدايه لاني قمت امشي وياها
بقولكم سوالف تسويهاا عسب تعرفون شو اقصد
الله يسلمكم لما يكون عندنا امتحان واطلب منها تشرحلي شي تقولي انا بروحي مب فاهمه واسكت عنها مع اني متأكده انها فاهمه ولما بتسألها بنت ثانيه عادي بتشرح لها ..
لما يكون عندنا كلاس فالكليه اول مايخلص الكلاس تظهر وتمشي ولا تترياني حتى مع اني انا لما اخلص اقعد اترياها لين تخلص واذا حبت تسير مكان اوصلها بس هي تظهر وتركب الاسنسير وتنزل وتسير الكلاس الثاني ولا تتريا وانا استحي اقولها شي^^
وفوق هذا لما ادش الكلاس قبلها دوم افضي لها مكان جدام وهي ابدا ماتهتم امهم تقعد بروحهاا واناا قعدت ولا ماقعدت مايهم …
والوقآآحه اللي صج صدمتني فيهاا
اناا كنت بنطرد من الكليه لانه مستواي نزل واايد وتصوروا انها كانت تعرف هالشي بس لما كنت اسألها سؤال تسويلي طاف او ترد عليه بنفس الاجابه ( ماعرف) .. وفي وقت الامتحان تسير مكان بعيد عني مع اني انا الحمدلله ما اغش بس مره في امتحان لما السير وزع الاوراق شفت حرف غريب وسالتها شو هالحرف تصوروا انها خذت ورقتها وسارت اخر القاعه؟؟ وتمت راقده على الورقه تتحراني انا بغش منها . . واكثر عن مره تسمعني رمسه ( اونه انا ما احب الغش وهالكلام ) وانا والله ولا عمري غشيت منها بس اطلب منها احيانا تفهمني اشياء قبل الامتحان ودومها تقولي ماعرف وعقب لماا يخلص الامتحان تقول شفتي هالسؤال نفس اللي كنتي تسألين عنه انا حليته سهل وايد وانا اتم ساكته من القهر
انا مقهووووره والله … دووم تسوي هالحركات وانا سااكته خااطري ارمس وابرد خاطري على الاقل لانه بصراحه هالشي انا اعتبره وقاااحه انا والله لما تسألني اعطيهاا ورقة الواجب بكبرها تنقل منهاا واذا ماعرفت تحل شي اقعد افهمهاا بس ما يبين فيها الخير وما يهمها غير نفسها ^^ .. حتى لما اتصل عليها ماترد الا اذا بغت شي تتصل مع اني لما اتصل مب عشان اسولف اتصل عشان اعلمها باشياء مهمه بس
كارهتها بس مب عارفه شو اسوي وكيف افهمها غلطهااا وانه تصرفاتها ما تعيبني …
استغفر الله انتي ليش حارقه قلبش خليها تولي تعرفين والله انه كانت في وحده معانا في الجامعه
ماشاء الله عليها كانت شاااااطره قوليلها تعالي اشرحيلها
بتشرحلش بس شو كله غلط بتقولين في اخص من هالشي اذا شفتي وحده او حسيتي وحده من زميلاتش او ربيعاتش
انها تتلعب خاصة في شي اسمه دراسه ابتعدي عنها من البداايه شكلش انتي ماكنتي متاكده وكنتي حابه تتاكدين
وتحرقين اعصاابش قولي الله يهديها
وايد من هالنوعيه عافان الله..
حبيبتي لاتزعلين ودوري ع بنت ثانيه ترابعينها..
وربيعتج هذي الله بحاسبها…
هاااي انسانه انانيه واتخاف على مصلحتها
وتبين الصراحه هي ابد ما تعاملج كصديقه الصداقة ووووين وهي وووين
فديتج حبيبتي ابتعدي عنها لانها هي شكلها ما تبي تصادقج على بالها انتي تبينها للمصلحه او تخاف اتكوونين احسن عنها
واحس انها تتمنالج الاسوأ وتحب اتغايضج
صدقيني هااب ما تبي اترابعج هااااي اتكلمج بس عسب تقهرج او تبي اتشوف نفسها على حد يعني
والله انتي مب محتايه حقها عندج بنات الدنيا في الكلية وبتحصلين احسن عنها بمليووووووووون
ولا ترابعي البنات على طووول خلج وياهم اول شي كزميله في الكلاس وعقب ما تشوفين شخصيتها قرري اذا تبينها صديقج او لا
والله لا تعبي نفسج وياها طنشيها وشوفي غيرها احقريها
لا حول ولا قـــوة إلا بالله العـــلي العظيم 
اختـــي الغاليـــــة .. تمسكج بربيعتج رغم أخلاقها وأنانيتهـــا صفة تحمديــــن عليها ماشاء الله
لكن غاليتي ,, ليش نعذب أنفسنا مع ناس مانقدر نغيرها
ليش نبغى الناس تتغير عشانة
تعرفيـــن ان هي بعد الحين تبغى تغير من أخلاقج الطيبـــة وتستوين مثلها ( هذا والله أعلم )
الوحدة منا تدور الشي الي يعينها على دينـــها ودنيتها ,, يساعدها على تطوير ذاتها ,, يعلمها وما يجهلــها !
الانسان أخلاق وتعامل غاليتي ,, " أحب لأخيك ما تحب لنفســـك " فكيف للناس أن ترضى أنانيتها على غيرها بدون ماتتقبلـــها على نفسهـــأ !
يبغـــى لج خطوة ايجابية في علاقتج مع هذي الاخت الله يهديهــأ ,,ا نتي في مرحلـــة مهمـــة من حياتــــج ولازم تجذبين لج ناس ايجابيين يشجعونك ,, يفهمونــج يساعدونــج في ما يرضي الله ويدعمونـــج ,, مب ناس تشكك في قدراتج وتنهرج وتسيئ التعامـــل معاج
الحمدلله الدنيا بخير والصحبـــة الصالحـــة موجـــودة ,, يكفي لنـــأ ان نندفع بايجابيـــة اليها لنحصلها بين ايدينا
وربي يوفقج ويســـر أمورج ويهديج ويهدينا لكل خير !
هالنوعيه وااااااااااااااااايد
سويلها اكبر طاف لا ترمسينها ودوري على ربيعه ثانيه