السلام عليكم ورحمه الله وبركاته ..
كيف الحال؟ عساكن بخير بنوتات وحريمات ….. 
أنا وايد وايد وايد متشتته وماعرف بشو أبدا وشو لازم أسوي بالضبط …
إذا ربي أراد … بسوي ليلتين …….. ليلة الحنا + وليلة البيضة …
طبعا لا عندي جدول ولا شي ….. 
و العرس بإذن الله خلال شهرين .. بس بعدني ماملجت و لاشيء… بس
احتياطا لازم اجهز .. !!!!!
شو لازم أسوي بالضبط …….؟
يعني أبا اعرف كيف اختار ولا لو وحده اتعرف وين اومنو اختار :
( الموقع : الشارقة )
– الكوشة لأول ليلة ..
– البوفيه من وين؟
– الماكيرة + الي مالت الشعر ..
– الحنا
– ذهب الليلة الاولى ( حد يعرف وحده تأجر ويكون شي غاوي وعود ؟ )
– الساعة شو البس؟ ولا مايحتاي ؟
– الكوشة لليلة الثانية شو الموضة الحين؟
– الماكيرة + مالت الشعر
– الفستان؟ ( خصوصا اني دبدوبه ) بحاول اسوي ريجيم بس في حالة مانزلت وايد شو اسوي؟وين اروح؟
– الطقم من وين اخذه ؟ الماس طبعا وشي فخم
– الساعة؟ شو الاحسن؟
وشو الترتيبات الثانية لاني ماعرف
ومن متى اتجهز واسوي الخ الخ ؟
طبعا بنات ادعولي بالتوفيق …
وانه ربي يتمم لي على خير …
…………………………..
بنات الي تعرف او مستعده انها تساعدنـي في ترتيب
كل شيء … او اتعرف wedding organizer
تخبرني … وبدفع لها بالمعقول طبعا ….
بالتوفيق حبيبتي
خاطري اساعدج لكن ابدا ما عندي خلفيه
الماكييرات بتلاقيين وايدات ما شا الله
بس استفسار بسيط
ليلة الحنا عرفتها
شو تقصدين بليلة البيضه ؟؟؟؟ 
الزفاف ولا شي ثاني؟
وموفقه حبيبتي
الله يتمم لج ع خير ويسعدج يا رب
السلام عليكم اختي
اولا الف مبروك والله يتمم لكم على خير يااارب
وبالنسبة لاستفساراتج بحاول افيدج قدر الامكاان 
– الكوشة لأول ليلة ..
ممكن تلاقين وايد كوش بسيطة ورقيقة ومناسبة لمناسبة ليلة الحنا او الملجة من مثل في الشارجه في منطقة الخزامية شي محل اسمه المحسن كوشه مناسبة واسعاره زينه وبالنسبة للعرس في محلات وايد للافراح في الشارجة في منطقة دوار سبينس 
– البوفيه من وين؟
بالنسبة للمطاعم ,,, عندج قوس قزح اكلهم معقول 
– الماكيرة + الي مالت الشعر ..
انصحج في هيفاء سورية بس للاسف ماعندي رقمها 
وعندج بعد امل التونسية … سوي سيرج عنهم ف الانترنت وان شالله تلاقين عنوانهم
اما بالنسبة للصالونات عن تجربة الصالون الفرنسي اللبناني على درب جامعة الشارقة وايد شطار في الميكب والشعر وعندج صالون بافان في منطقة الغبيبة بعد شطار في الشعر ووحده اسمها حنان ميكبها روعه .
– الحنا
صالون المراسم في السوق الجديم او الاحلام في الخزامية ووايد صالونات ماشالله الحين يتفنون
بس نصيحة لاتقولين انج عروس لان بيضاعفووون لج السعر في كل شي ههههههه
– ذهب الليلة الاولى ( حد يعرف وحده تأجر ويكون شي غاوي وعود ؟ )
للاسف ماعندي فكرة
– الساعة شو البس؟ ولا مايحتاي ؟
البسي ساعه بسيطة ورقيقة وناعمة تناسب لون اللبس 
– الكوشة لليلة الثانية شو الموضة الحين؟
اختي بس ياليت توضحين لنا شو المقصود بالليلة البيضا ,, وعلى العموم تقدرين تنسقين ثيم معين حق الحفلة وتقررين على ههالاساس الوان الديكور والورد والكوشة وكل هالامور مثلا في ناس يسوون ستايل هندي وفي ناس ستايل تراثي وحسب الاذواق – الماكيرة + مالت الشعر
جاوبنا مسبقا 
– الفستان؟ ( خصوصا اني دبدوبه ) بحاول اسوي ريجيم بس في حالة مانزلت وايد شو اسوي؟وين اروح؟
عندج حصة بورقيبة تاجر فستانين في عجمان وعندها اشياء تناسب كل الاوزان وعندج ريم الحوسني و ام محمود كلهم بتحصلينهم ف الانترنت موجودة عناوينهم واذا ما عجبج انصحج تشوفين موديل مناسب لج ولجسمج وتروحين الخيايط الي ف سمنان ماشالله يضبطون الموديل وعندهم بعد موديلالات حلوة يعرضونها في الخياط روحي لهم وخذي فكرة 
– الطقم من وين اخذه ؟ الماس طبعا وشي فخم
الطقم حسب لبسج وفستانج حبيبتي بتلقين ذهب وفضة وحتى الاكسسوار في وايد منه دقته مثل الذهب و يكون روعه ف اللبس 
بس ف العرس اكيد بتلبسين الشبكة – الساعة؟ شو الاحسن؟
ساعة ذهبية او فضية حسب لون لبسج وتكون بسيطة وناعمه
وشو الترتيبات الثانية لاني ماعرف
ومن متى اتجهز واسوي الخ الخ ؟
بالنسبة للترتيبات الثانية اكيد بتكون على المعرس ههههه اهم شي عندج انج ترتبين نفسج و تاخذين ورقة وقلم وتكتبين كل شي لازم تسوينه قبل العرس من طاطا للسلامو عليكوو و اذا عندج اي مشاكل في البشرة او الشعر او ناوية تسوين اي علاج بالجلدية او اي شي من هالقبيل سوي قبل العرس بفترة طويلة ولا تجازفين وتسوين شي قبل العرس بيوم ولا يومين خصوصا الاشياء الي تخص البشرة و لازم تسوين لج جدول وتقسمين المهر حسب احتياجاتج وتفرزين الاغراض الي عندج شو الي بينتقل وياج لعش الزوجية ان شالله وشو الي بتتخلصين منه
و تقدرين تبدين في الاستعداد بعد الملجة على طول خصوصا اذا ماكان في وقت طويل بين العرس والمجلة
ووالسموووووحة على الاطالة
مرحبا حبيبتي
امسات اختي عرست وعندي خلفيه لكل الاسأله اللي سألتيها
( الموقع : الشارقة )
– الكوشة لأول ليلة .. فرحة عمر في عيمان اختي سوت كوشة ليلة حنتها من هناك شي بسيط وحلوو
– البوفيه من وين؟ عندج قوس قزح، صدف، قيصر، في مطعم ايراني بس ناسية اسمه ارسنال اتوقع شي جيه حلو اكله
– الماكيرة + الي مالت الشعر .. حاولي في هالليلة مكياجج يكون بسيط سيري اي صالون خليهم بس يسشورولج شعرج وقوليلهم ابي مكياج بسيط لو بس ايلاينر ورموش
– الحنا صوالين الحمرية حناهم روعه هيفاء، بثينة
– ذهب الليلة الاولى ( حد يعرف وحده تأجر ويكون شي غاوي وعود ؟ ) امممم نحن عندنا الذهب العربي كامل واختي لبسته من طاسه ومرتعشه وعالقه وحزام وشغاب
– الساعة شو البس؟ ولا مايحتاي ؟لا ما يحتاي اذا بتلبسين لبس عربي البسي حيل في كل ايد
– الكوشة لليلة الثانية شو الموضة الحين؟ الموضه تكون الكوشه سمبل بس يلعبون بالاضاءة وعندج محل سيدتي اختي سوت كوشتها من عندهم ووايد الكوشه روعه وسوت التصوير من عندهم بعد
– الماكيرة + مالت الشعر اختي وانا تمكيجنا عند وحده اسمها رفيعه بس روووووعه ما اجذب عليج لين الحين يمكن 7 بنات طالبين رقمها والشعر يابت جمانه اللي تشتغل في صالون ماي ستايل بس ما حبيت شغلها شوفي امل التونسية
– الفستان؟ ( خصوصا اني دبدوبه ) بحاول اسوي ريجيم بس في حالة مانزلت وايد شو اسوي؟وين اروح؟ سيري عند ريم الحوسني وريم بورقيبه وشوفي فساتينهم
– الطقم من وين اخذه ؟ الماس طبعا وشي فخم سيري سوق الذهب اللي فالشارجه وان شاء الله تلقين واذا في ملجتج يابولج طقم حلو وكبير البسيه حق العرس
– الساعة؟ شو الاحسن؟ بارثلي، شوبارد ويفضل انها تكون سلفر
اصبغي شعرج حق العرس اسود بيطلع روعه اختي صبغته اسود وصدق صدق تغيرت وطلع اللوك وايد حلوو خاصه الفستان ابيض
واذا بغيتي أي استشاره ثانيه لا تستحين والخاص عندج مفتوووح
المشاركة الأصلية كتبت بواسطة السنقباســـية 
كيف الحال؟ عساكن بخير بنوتات وحريمات …..
أنا وايد وايد وايد متشتته وماعرف بشو أبدا وشو لازم أسوي بالضبط …
إذا ربي أراد … بسوي ليلتين …….. ليلة الحنا + وليلة البيضة …
طبعا لا عندي جدول ولا شي ….. و العرس بإذن الله خلال شهرين .. بس بعدني ماملجت و لاشيء… بس
احتياطا لازم اجهز .. !!!!!
شو لازم أسوي بالضبط …….؟
يعني أبا اعرف كيف اختار ولا لو وحده اتعرف وين اومنو اختار :
( الموقع : الشارقة )
– الكوشة لأول ليلة ..
– البوفيه من وين؟
– الماكيرة + الي مالت الشعر ..
– الحنا
– ذهب الليلة الاولى ( حد يعرف وحده تأجر ويكون شي غاوي وعود ؟ )
– الساعة شو البس؟ ولا مايحتاي ؟
– الكوشة لليلة الثانية شو الموضة الحين؟
– الماكيرة + مالت الشعر
– الفستان؟ ( خصوصا اني دبدوبه ) بحاول اسوي ريجيم بس في حالة مانزلت وايد شو اسوي؟وين اروح؟
– الطقم من وين اخذه ؟ الماس طبعا وشي فخم
– الساعة؟ شو الاحسن؟
وشو الترتيبات الثانية لاني ماعرف
ومن متى اتجهز واسوي الخ الخ ؟
حبيبتي الله يتمم لج على خير
ليله الاخضر اذا بتسوينها تراثيه اكيد بتلبسين ثوب وكندورة ووو حلو بيطلع عليها اذا لبستي ذهب مثلا طاسة ومرتعشة وستمي وحيل بشوكة اكيد بيكون موجود عند الوالدة تقدرين تلبسينه اما اذا حبيتي تاخذين شي مميز تقدرين تتعاملين مع اي محدل ذهب تقوليله بلبسة مره وحدة وبردة وطبعا تخلين عندة البيزات ضمان يوم تردينه ياخذ النص ويرد لج النص اختي جي سوت لان امايه خذت لها زيادة حوام وخلخال وكم من شي للشعر واما اذا كانت ليله هنديه تقدرين تاخذين طقم هندي كااااامل بيطلع روعة انا احب هالاشياء
واذا عن ليله الابيض طبعا عسب الكوشة الحين دارجة الاشياء السمبل وايد انا عن نفسي ابد مافكر اني اسوي شي ربشة لان حتى لو لبشت شي حلو وركبت على الكوشة محد بيسويلي سالفة الكوشة بتكون لافته النضر اكثر ,اما عن فستانج بما انج تقولين انج دبدوبه من وجة نظري انج تسوينه من فوق على جسمج بس من صوب الخصر لين تحت منفوش جي مابيبين وبيكون وايد رقيق وحلو الطقم جوفي اذا فتح معرض العروس يمكن تحصلين شي يعيبج بس اول جوفي الفستان وخذي الطقم على حسب الفستان ادري وايد رمست وتفلسفت بس حبيت افيدج عن سالفة الماكيرة الصراحة روحي ماعندي فكره
مبررروك